ચોમાસું / ગુજરાતમાં ભારે વરસાદને લઇને CM રૂપાણીની બેઠક, મેઘોને લઇને આગામી 48 કલાક છે ભારે

• ગુજરાતમાં ભારે વરસાદને લઈને મુખ્યમંત્રી બેઠક
• છેલ્લા બે દિવસથી રાજ્યમાં સાર્વત્રિક વરસાદ
• અગામી બે દિવસમાં ગુજરાતમાં મેઘસવારી યથાવત રહેશે

ગુજરાતમાં પડી રહેલા અવિરત વરસાદના પગલે રાજ્યમાં કેટલાંક જિલ્લાઓમાં પુરની પરિસ્થિતિ જેવું નિર્માણ થઇ રહ્યું છે. ત્યારે રાજ્યમાં પડી રહેલા સાર્વત્રિક વરસાદને લઇને ગાંધીનગર ખાતે મુખ્યમંત્રી નિવાસસ્થાને CM વિજય રૂપાણીએ બેઠક બોલાવી છે. આ બેઠકમાં જરૂરી પગલા લેવા અંગે રણનીતિ તૈયાર કરવામાં આવશે. 

ગુજરાત અને રાજસ્થાન પર વધુ એક સિસ્ટમ સક્રિય

રાજ્યમાં છેલ્લા બે દિવસથી સાર્વત્રિક વરસાદ પડ્યો છે. બે દિવસથી રાજ્યમાં વરસાદ યથાવત છે. ત્યારે ગુજરાત અને રાજસ્થાન પર વધુ એક સિસ્ટમ સક્રિય થઇ છે. બંગાળની ખાડીમાં વધુ એક સિસ્ટમ સક્રિયા થતા વરસાદની શક્યતા છે. આગામી બે દિવસ ગુજરાતમાં મેઘસવારી યથાવત રહેશે. અને આગામી 24થી 36 કલાક ઉત્તરગુજરાતમાં મધ્યમથી ભારે વરસાદ પડે તેવી શક્યતા છે.

રાજ્યમાં વરસાદી માહોલ યથાવત

રાજયભરમાં હાલ વરસાદી માહોલ યથાવત જોવા મળી રહ્યો છે. ત્યારે રાજ્યમાં સવારે 6થી 10 વાગ્યા સુધીમાં 161 તાલુકામાં વરસાદ વરસ્યો છે. જેમાં સૌથી વધુ રાજકોટના ગોંડલમાં પોણા 4 ઇંચ વરસાદ નોંધાયો છે. રાજ્યમાં ભારે વરસાદથી નદી-નાળાઓ છલકાયાં છે. આ સાથે રાજ્યભરમાં ધોધમાર વરસાદના કારણે નદીઓમાં પૂરની સ્થિતિનું નિર્માણ થઇ રહ્યું છે.