ગિનીસ વર્લ્ડ બુક / સુરતમાં રત્નકલાકારે બનાવ્યો વર્લ્ડ રેકોર્ડ, એક વીંટીમાં 12638 ડાયમંડ જડ્યા

• ડાયમંડ કલાકારની કળાને ગિનીસ વર્લ્ડ બુકમાં સ્થાન
• એક જ વીટીંમાં 12,638 ડાયમંડ જડ્યા
• 18 કેરેટ સોનાની બનાવી છે વીંટી 

સુરતીઓ હાલ વિશ્વભરમાં પ્રખ્યાત છે. પોતાની કારીગરી અને કલાથી સુરતીઓએ ગિનીસ વર્લ્ડ રેકોર્ડ્સ, વર્લ્ડ રેકોર્ડ સહિત અનેક જગ્યાએ સ્થાન મેળવ્યુ છે. ત્યારે સુરતના એક જ્વેલર્સ હેમલ કાપડીયા દ્વારા તૈયાર કરાયેલી એક વીંટીએ પણ હાલમાં ગિનીસ વર્લ્ડ રેકોર્ડ્સમાં સ્થાન મેળવ્યુ છે. સુરતના મહિધરપુરાના હાઈ ફેશન જ્વેલર્સના હેમલ પડીયાએ અધધ કહી શકાય તેમ 12 હજાર 638 રીઅલ ડાયમંડની 18 કેરેટ સોનાની વિંટી બનાવી છે. 30 વર્ષથી ડાયમંડ ક્ષેત્રે સંકળાયેલા હેમલ કાપડીયાએ અઢી વર્ષ પહેલા વીંટી બનાવવાનું સ્વપ્ન જોયું હતું. જે બાદ આઠ મહિના સુધી સતત મહેનત કરી આ વીંટીનું નિર્માણ કર્યું. જેને ગિનીસ વર્લ્ડ રેકોર્ડ્સમાં સ્થાન મળ્યું. પરંતુ આ વિંટીમાં ખાસ શું છે જુઓ વીડિયોમાં...

મહત્વનું છે કે, સુરતીઓ હાલ દરેક ક્ષેત્રે પોતાની આગવી ઓળખ બનાવી રહ્યા છે. ત્યારે સુરતના જ્વેલર્સ હેમલ કાપડિયા દ્વારા બનાવાયેલી 12,638 રીઅલ ડાયમંડની 18 કેરેટ સોનાની વીંટીને ગિનીસ બુક ઓફ રેકોર્ડમાં સ્થાન મળતા તેઓની ખુશીનો કોઈ પાર નથી. જોકે આવી અદભૂત કળાને સ્થાન ન મળે તે પણ અશક્ય છે.