આમ હોઈ કાંઈ / બાળકો ઘરમાં ગાળો બોલી શકે પણ તેના માટે ચાર્જ ચુકવવો પડશે, મમ્મીએ બનાવી ગાઈડલાઈન

• દુનિયા ખૂબ ઝડપથી બદલાઈ રહી છે
• લોકોની જીવનશૈલી અને રીતભાત પણ બદલાયા
• માતા-પિતાનું વલણ બાળકો પ્રત્યે બદલાયા

એક માતાએ પોતાના બાળકો માટે એવી ગાઈડલાઈન તૈયાર કરી છે, જેના કારણે ઈન્ટરનેટ પર ભારે ચર્ચા છંછેડાઈ ગઈ છે. ગાઈડલાઈનમાં ઘરમાં ગાળો બોલવાથી લઈને રેંટ આપવા સુધીની જોગવાઈ કરવામાં આવી છે. 

ટિકટોક પર વીડિયો અપલોડ કર્યો

ફવાના (@tru_n8v) નામની એક યુઝર્સે ટિકટોક પર વીડિયો અપલોડ કર્યો છે, જેમાં તે પોતાના બાળકો માટે બનાવેલા રૂલ્સ જણાવે છે. ફવાનાનો આ વીડિયો ખૂબ વાયરલ થઈ રહ્યો છે. આ વીડિયો પર થોડા કલાકોમાં જ 666,000થી વધારે વ્યૂઝ મળી ચુક્યા છે.

બાળકો માટે બનાવી ગાઈડલાઈન

ફવાના પોતાના લિસ્ટની શરતો જણાવતા કહે છે કે, મારા ઘરમાં 13 વર્ષ બાદ ગાળો બોલવાની છૂટ મળી છે. પણ તે એક પ્રોપર કોન્ટેક્સટમાં હોવી જોઈએ. તમે વડીલોનું અપમાન કરી શકો નહીં. આપે વડીલ લોકોને મૈમ અથવા સર કહીને સંબોધન કરવાનું રહેશે.

આવા નિયમો રાખ્યા

મહિલાની આગળની શરત એ છે કે, જ્યાં સુધી તે દિવસની પ્રથમ કોફી નહીં પીવે ત્યાં સુધી તેના બાળકોને તેને ટચ કરવું, વાત કરવી અથવા તો પરેશાન કરવાની છૂટ નથી. ફવાનાએ દાવો કર્યો છે કે, તેના બાળકો આ તમામ નિયમોનું પાલન કરી રહ્યા છે. જે ખૂબ જ સારૂ છે.

16 વર્ષની ઉંમર બાદ ફોલો કરવાના રહેશે આ નિયમો

ફવાનાએ આગળ કહ્યું કે, જ્યારે બાળકો 16 વર્ષના થઈ જાય તો, તેમને નોકરી કરવાની રહેશે. ડ્રાઈવિંગ લાયસન્સ લેવાનું રહેશે અને ઘરમાં રહેવા માટે ભાડૂ પણ આપવું પડશે. આ રેંટ તેની માતા પાસે જમા થતું રહેશે. ફવાનાએ કહ્યું કે, હું તેમનું ભાડૂ પાછુ આપી દઈશ. તેમનું ભાડૂ દર મહિને, દર વર્ષે મારી પાસે જમા થતું રહેશે. અને જ્યારે તે બીજૂ ઘર લેવા માગશે, ત્યારે હું આ પૈસા તેમને પાછા આપીશ.

ફવાનાનું આ લિસ્ટ જોઈ ટિકટોક યુઝર્સ બંને તરફ વહેંચાયેલા છે, કોઈ સપોર્ટ કરી રહ્યા છે, તો કોઈ વિરોધ.

એક યુઝર્સ તરીકે મને પર્સનલી રેંટવાળું ઓપ્શન સારૂ લાગ્યું. પેરેન્ટ તરીકે આપણુ એ કામ છે કે, તેમને ઘર આપીએ અને તેમના ભવિષ્ય માટે પૈસા જમા કરી રાખીએ.
જ્યારે અન્ય એક યુઝર્સે લખ્યું કે, મને બાળકો પાસેથી રેંટ લેવાનો આઈડીયા સારો ન લાગ્યો પણ તેમને પાછા આપવાની રીત ખૂબ ગમી.

તો વળી એક યુઝર્સે ફવાનાના સપોર્ટમાં લખ્યું કે, મેં મારી દિકરીને ગાળો બોલવાની છૂટ આપી છે, પણ જ્યાં સુધી તે અમારુ અપમાન ન કરે ત્યાં સુધી જ આ છૂટ છે.