જામફળના માસ્કનો આ રીતે કરો ઉપયોગ વાળ ઊતરતા થશે બંધ

જામફળના ફળને ખૂબ સારું માનવામાં આવે છે. જામફળ ખાવાથી ઘણા ફાયદા થાય છે. એમાંથી એક ફાયદો છે જામફળ ખાઇને તમે તમારા ખરતાં વાળને અટકાવી શકો છો. 
જો તમારા વાળ ઘણા સમયથી ખરી રહ્યા છે. તો પણ જામફળનાં પાનનો ઉપયોગ કરીને તેને ખરતા રોકી શકો છો. જામફળમાં પુષ્કળ પ્રમાણમાં વિટામીન બી ૩ બી 5 અને બી ૬ હોય છે. જે ક્ષતિગ્રસ્ત વાળનાં સેલને ઠીક કરે છે તેમજ માથાનાં વાળની સફાઈ કરે છે અને વાળને ખરતા રોકે છે. તો ચલો જાણીએ કેવી રીતે બનાવાય છે જામફળનાં હેર માસ્કસ. 

જામફળનાં પાન 
મુઠ્ઠીભર જામફળનાં પાનને પાણીમાં ઉકળવા માટે રાખો. તેને ધીમા તાપે પર ૧૦ થી ૧૫ મિનીટ સુધી ઉકળવા દો. ત્યાર બાદ તેને ઠંડું થવા માટે રહેવા દો. આ ઘોળને તમારાં માથા અને વાળમાં સારી રીતે લગાવો. એક કલાક સુધી તેને વાળમાં રહેવા દો અને ત્યાર બાદ તેને વાળને ધોઈ લો.

એગ અને જામફળ 
જામફળને મળીને તેનો પલ્પ બનાવી લો અને તેમાં ઈંડાનો સફેદ ભાગ ભેળવો. તેને વાળમાં સારી રીતે લગાવો અને ૪૦ મિનીટ સુધી રહેવા દો. આ માસ્કમાં પ્રોટીનનું પ્રમાણ વધારે હોય છે. જેનાથી વાળ મૂળમાંથી મજબૂત બનશે.

જામફળ મધ અને લીંબુ 
જામફળને હાથ વડે મસળી લો. ત્યાર બાદ તેના પલ્પમાં મોટી ચમચી મધ અને ૧૦ ટીપાં લીંબુનો રસ ભેળવો. તેની સારી રીતે મિક્સ કરીલો. વાળને સહેજ ભીના કરીને નાના નાના ભાગમાં વહેંચી લો. ૪૦ મિનીટ સુધી તેને વાળમાં લગાવેલું રહેવા દો અને ત્યાર બાદ શેમ્પૂ કન્ડીશનર લગાવો. આ હર્બલ જામફળનાં માસ્કનો ઉપયોગ કરવાથી વાળ લાંબા થશે.

નાળીયેર તેલ વિટામીન ઈ અને જામફળ 
અડધા કપ નાળીયેર તેલને ધીમી આંચ પર ગરમ કરો વિટામીન ઈ જેલની બે કેપ્સુલને તોડીને એક મોટી ચમચી જામફળનાં જ્યુસમાં ભેળવો. તેની ૧૫ મિનીટ સુધી આ મિશ્રણ ઉકાળો. હવે ગે બંધ કરી દો અને તેને ઠંડું થવા દો. હવે તેને પોતાના માથા અને વાળમાં સારી રીતે લગાવો. પછી બધાજ વાળનું બન બનાવી લો અને શાવર કેપ લગાવી લો. ૧ કલાક રહેવા દો અને ત્યાર બાદ શેમ્પૂ કન્ડીશનર કરી લો.