ચૂંટણી પ્રચાર દરમ્યાન એક સભામાં લલિત વસોયાએ કહ્યું હતું કે, હું કોંગ્રેસ નહીં છોડુ જે દિવસે છોડીશ ત્યારે ઘરમાં બેસી જઇશ પણ ભાજપ ભેગો તો નહીં જ જાવ
ઉપલેટામાં બાપુના બાવલા ચોક ખાતે સભામાં લલિત વસોયાનું નિવેદન
ભાજપના મિત્રો એ મારા નામનો ગ્લોબલ પ્રચાર કરાવ્યો-વસોયા
કોંગ્રેસ હું નહીં છોડુ જે દિવસે છોડીશ ત્યારે ઘરમા બેસી જઇશ-વસોયા
પણ આ હરામીઓ ભેગો નહીં જાવ તેવી ખાતરી-વસોયા
ગુજરાત વિધાનસભાનું ચૂંટણીના પડઘમ વચ્ચે રાજકીય નેતાઑ મતદારોને રીઝવવા પ્રચારમાં લાગ્યા છે. આ દરમ્યાન હવે રાજકોટના ઉપલેટામાં એક સભા દરમ્યાન કોંગ્રેસના ઉમેદવાર લલિત વસોયાનું મોટું નિવેદન સામે આવ્યું છે. ચૂંટણી પ્રચાર દરમ્યાન એક સભામાં લલિત વસોયાએ કહ્યું હતું કે, હું કોંગ્રેસ નહીં છોડુ જે દિવસે છોડીશ ત્યારે ઘરમા બેસી જઇશ પણ ભાજપ ભેગો તો નહીં જ જાવ. તેમના આ નિવેદનનો વિડીયો હાલ સોશિયલ મીડિયામાં વાયરલ થઈ રહ્યો છે.
રાજકોટની ઉપલેટા બેઠક ઉપર કોંગ્રેસના ઉમેદવાર લલિત વસોયાએ ફરી એકવાર ભાજપમાં જોડાવાને લઈ મોટું નિવેદન આપ્યું છે. વાત જાણે એમ છે કે, ઉપલેટામાં બાપુના બાવલા ચોક ખાતે કોંગ્રેસની જનસભા યોજાઇ હતી. જેમાં ભાજપમાં જોડાવાની ચર્ચા અંગે લલિત વસોયાએ નિવેદન આપતાં જણાવ્યું કે, ભાજપના મિત્રોએ મારા નામનો ગ્લોબલ પ્રચાર કરાવ્યો. પણ હું કોંગ્રેસ નહીં છોડુ જે દિવસે છોડીશ ત્યારે ઘરમાંબેસી જઇશ પણ ભાજપ ભેગો તો નહીં જ જાવ.
શું કહ્યું લલિત વસોયાએ ?
ઉપલેટા બેઠકના કોંગ્રેસ ઉમેદવાર લલિત વસોયાએ જણાવ્યું હતું કે, મીડિયામાં ચાલતુ હતુ કે લલિત વસોયા ભાજપમાં જશે. આ સાથે તેમણે કહ્યું કે, ભાજપના મિત્રો એ મારા નામનો ગ્લોબલ પ્રચાર કરાવ્યો પણ હું કોંગ્રેસ નહીં છોડુ જે દિવસે છોડીશ ત્યારે ઘરમાં બેસી જઇશ. આ સાથે કહ્યું કે, કોંગ્રેસમાં નહીં હોઉ તે દિવસે ઘરે બેસી જઈશ અને ખેતી કરીશ પણ આ હરામીઓ ભેગો નહીં જાવ તેવી ખાતરી આપું છું.
બનાસકાંઠાના દાંતાના ભાજપી ઉમેદવારનો પણ વિડીયો વાયરલ
ઉત્તર ગુજરાતની બનાસકાંઠા જિલ્લાની દાંતા વિધાનસભાના ભાજપના ઉમેદવાર લાધુ પારઘીનો વિવાદિત નિવેદન સામે આવ્યું છે. વાત જાણે એમ છે કે, વિધાનસભાનું ચૂંટણીને લઈ ચૂંટણી સભામાં લાધુ પારઘીએ વિવાદિત નિવેદન આપ્યું છે. વાત જાણે એમ છે કે, ગુજરાતમાં દારૂબંધી હોવા છતાં લાધુ પારઘીએ કહ્યું હતું કે, હું જીત્યા પછી ખોળામાં નહિ ટોપલામાં ખુલ્લેઆમ દારૂ વેંચાવીશ.