ગુજરાત ટેક્નોલોજિકલ યુનિવર્સિટી હવે સ્વદેશી 5G ટેક્નોલોજી વિક્સાવશે સ્વદેશી 5G ટેક્નોલોજીના વિકાસ થકી ન માત્ર ઈન્ટરનેટની સ્પીડ જ વધશે પણ ટેકનોલોજીની નવી જનરેશનની પણ શરૂઆત થશે
GTU વિક્સાવશે 5G ટેક્નોલોજી ટેક્નોલોજી
વાયરલેસ ટેક્નોલોજીના ઉપયોગથી બનીશું આત્મનિર્ભર
લાર્જ એરિયા કવર કરી 5G એન્ટેના વિકસાવાશે
આવનાર સમય એ માહિતી અને ટેક્નોલોજીના યુગ હશે દેશમાં મોટા ભાગમાં શહેરો અને ગામડાઓમાં હાલ મોટા પ્રમાણમાં ઈલેક્ટોનિક ગેજેટનો ઉપયોગ વધ્યો છે શિક્ષિત લોકોની સાથે ગામડાઓમાં સામાન્ય માણસો પણ હવે ટ્ક્નોલોજીનો ઉપયોગ કરતા થયા છે આમ વ્યાપક ઉપયોગને કારણે હાલ ટેક્નોલોજીની ડિમાન્ડ વધી છે જેને લઈ હવે નવી નવી કંપનીઓ 5G માં ઈન્વેસ્ટ કરી રહી છે અને તેમાં સંશોધન કરી વધુ લોકો સુધી પહોંચવાનો પ્રયાસ કરી રહી છે ત્યારે ગુજરાતની ટેક્નોલોજીકલ યુનિવર્સિટી પણ હવે 5Gની રેસમાં આવી ગઈ છે.
ટેકનોલોજીની નવી જનરેશનની પણ શરૂઆત થશે.
GTU ગુજરાત ટેક્નોલોજિકલ યુનિવર્સિટી હવે સ્વદેશી 5G ટેક્નોલોજી વિક્સાવવા જઈ રહ્યું છે. ગ્રેજ્યુએટ સ્કૂલ ઑફ એન્જિનિયરિંગ એન્ડ ટેક્નોલોજીના પ્રોફેસર ડૉ.ગૌતમ મકવાણા દ્વારા 5G એન્ટેના વિકસાવી સ્વદેશી ટેક્નોલોજી પૂરી પાડશે, જેનાથી સ્વદેશી 5G ટેક્નોલોજીના વિકાસ થકી ન માત્ર ઈન્ટરનેટની સ્પીડ જ વધશે પણ ટેકનોલોજીની નવી જનરેશનની પણ શરૂઆત થશે.
સ્વદેશી 5G ટેક્નોલોજીથી ભારત કોમ્યુનિકેશનનું હબ બનશે
આ સંદર્ભે જીટીયુના કુલપતિ પ્રો. ડૉ.નવીન શેઠે જણાવ્યું હતું કે ટેક્નોલોજી વર્તમાન સમયમાં સમગ્ર વિશ્વની જરૂરિયાત છે. સ્વદેશી 5G ટેક્નોલોજીના વિકાસથી ભારત કોમ્યુનિકેશન ટેક્નોલોજી ક્ષેત્રેનું હબ બનશે અને આત્મનિર્ભર બનીને સમગ્ર વિશ્વને નવી દિશા ચીંધશે. જીટીયુના કુલસચિવ ડૉ. કે.એન.ખેરે, ડૉ. મકવાણા અને જીટીયુ જીસેટ ડિરેક્ટર ડૉ.એસ.ડી. પંચાલને આ સંદર્ભે શુભકામના પાઠવી હતી.
સુપર કમ્પ્યુટરની મદદથી તમામ પ્રકારનું રિસર્ચ
ડૉ.ગૌતમ મકવાણાને આ પ્રોજેક્ટ માટે ગુજરાત કાઉન્સિલ ઑફ સાયન્સ એન્ડ ટેક્નોલોજી દ્વારા 22 લાખથી વધુની ગ્રાન્ટ મળી છે. તેમણે વધુમાં જણાવ્યું કે GTU ખાતે સુપર કમ્પ્યુટરની મદદથી તમામ પ્રકારનું રિસર્ચ કરવામાં આવી રહ્યું છે. 5G એન્ટેનાથી પ્રતિ સેકન્ડ 1 કિમીના વિસ્તારમાં 1થી 10 લાખ ડિવાઈસ કનેક્ટ થઈ શકશે. આ ઉપરાંત 1થી 10 ગીગાબાઇટની સ્પીડથી 500થી 1000 ટેરાબાઈટ ડેટાનું આદાનપ્રદાન પણ કરી શકાશે.આઈઓટી આધારિત ડિવાઈસને 5Gથી જોડીને કૃષિથી લઈને તમામ પ્રકારનાં ઔદ્યોગિક ક્ષેત્રમાં પણ ઓટોમેશન સરળતાથી અને સત્વર થઈ શકશે. મોબાઈલ નેટવર્ક અપગ્રેડ થશે, જેનાથી નેટવર્ક રિસ્પોન્સમાં સ્પીડ વધશે, એટલે કે 5થી 10 મિલીસેકન્ડમાં તમામ પ્રકારના વાયરલેસ ડિવાઈસ કનેક્ટ થઈ શકશે.
ભવિષ્યમાં 6Gને પણ આ એન્ટેનામાં ઉમેરો કરી શકાશે
4G માં આ સમયગાળો 20 થી 40 સેકન્ડનો છે. 5G એન્ટેનાને કારણે 10 થી 30 ગીગાબાઇટ ડેટા ટ્રાન્સફર સરળતાથી પ્રતિ સેકન્ડે કરી શકાશે, એટલે કે 4Gની તુલનામાં 5G આવતાં સ્પીડમાં 100 ગણો વધારો થશે. તેમણે વધુમાં કહ્યું હતું કે તેમના દ્વારા વિકસાવવામાં આવતા 5G એન્ટેનામાં 5G સહિત 3G, 4G અને વાઈફાય જેવી અન્ય ટેક્નોલોજી પણ કાર્યરત રહી શકશે. ઉપરાંત ભવિષ્યમાં 6Gને પણ આ એન્ટેનામાં ઉમેરો કરી શકાશે. અન્ય એન્ટેનામાં બધી દિશામાં એક જ ફ્રિકવન્સી પર રેડિએશન આપે છે, જ્યારે ડૉ.મકવાણા દ્વારા વિકસાવવામાં આવતા 5G એન્ટેના અલગ-અલગ દિશામાં જુદી-જુદી ફ્રિકવન્સી પર રેડિએશન મેળવી શકશે.