કોરોના વાયરસના કારણે દેશમાં શૈક્ષિણક કાર્યો પણ મુશ્કેલીમાં મુકાયા છે. કોરોનાના વધતા સંક્રમણના પગલે શાળાઓતો શરૂ કરવાનું મોકૂફ રખાયું છે. ત્યારે હવે વિવિધ યુનિવર્સિટીઓ દ્વારા પરીક્ષા પણ મોકૂફ રાખવાનો નિર્ણય કરવામાં આવ્યો છે.
કોરોનાના વધતા સંક્રમણના પગલે પરીક્ષા મોકૂફ
GTU અને ગુજરાત યુનિવર્સિટીની પરીક્ષા મોકૂફ
નવી તારીખ આગામી દિવસોમાં જાહેર કરશે
કોરોનાની મહામારીના કારણે આજ રોજ ગુજરાત ટેકનોલોજી યુનિવર્સિટી(GTU) અને ગુજરાત યુનિવર્સિટીની પરીક્ષા મોકૂફ રખાઇ છે. GTU બાદ ગુજરાત યુનિવર્સિટીની તારીખ 8થી 17 ડિસેમ્બર સુધી યોજનારી પરીક્ષા મોકુફ રાખવાનો નિર્ણય લેવામાં આવ્યો છે.
10 ડિસેમ્બરથી શરૂ થનારી GTUની પરીક્ષા પાછળ ઠેલાઈ છે. કોરોનાની મહામારીમાં GTU એ પરીક્ષાનો કાર્યક્રમ કેન્સલ કર્યો છે. હવે પછીની તારીખ ટૂંક સમયમાં જાહેર કરાશે. વિદ્યાર્થીઓએ પરીક્ષા રદ્દ કરવા GTUને અપીલ કરી હતી. મહત્વનું છે કે, 1 ડિસેમ્બરથી શરૂ થનારી સૌરાષ્ટ્ર યુનિની પરીક્ષાઓ પણ મૌકૂફ રખાઈ છે.