વિશ્વના સૌથી મોટા ક્રિકેટ સ્ટેડિયમમાં ઇન્ડિયન પ્રીમિયર લીગ 2022નું ગુજરાત ટાઈટન્સની ચેમ્પિયન બન્યું છે. ફાઇનલ મેચમાં ગુજરાત ટાઇટન્સે રાજસ્થાન રોયલ્સને 7 વિકેટથી હરાવ્યું છે.
આજે IPL 2022ની ફાઈનલમાં ગુજરાત ટાઇટન્સની જીત
રાજસ્થાન રૉયલ્સને 7 વિકેટથી હરાવ્યું
ગુજરાત ટાઇટન્સને જીત માટે 131 રનનો આપ્યો હતો ટાર્ગેટ
ઈન્ડિયન પ્રીમિયર લીગ 2022ના રવિવારે રમાયેલા સૌથી મોટા મુકાબલા એટલે કે ફાઇનલ મેચમાં પોતાના જ હોમ ગ્રાઉન્ડમાં રમાયેલી મેચમાં ગુજરાત ટાઇટન્સે રાજસ્થાન રૉયલ્સને 7 વિકેટથી હરાવીને ટ્રોફી જીતી લીધી છે. જીત માટે મળેલા 131 રનના ટાર્ગેટનો પીછો કરવા ઉતરેલી ગુજરાત ટાઇટન્સની શરૂઆત ખરાબ રહી હતી અને 2 વિકેટ જલ્દીધી પડી ગયા હતા. પરંતુ બીજા ઓપનર શુભમન ગિલ(અણનમ 45)એ મોરચો સંભાળ્યો, તો કેપ્ટન હાર્દિક પંડ્યા(34)એ પણ પોતાનું સારુ યોગદાન આપ્યું. ત્યારે ગત કેટલીક મેચોની જેમ ડેવિડ મિલ(32)એ પણ સારી બેટિંગ કરતા 18.1 ઓવરોમાં 7 વિકેટ અને 11 બોલ બાકી રહેતા ગુજરાત ટાઇટન્સને તેના પહેલા જ પ્રયાસમાં આઈપીએલનું ચેમ્પિયન બનાવી દીધું છે.ગુજરાતે આ સિઝનમાં 16માંથી 14 મેચ જીતી છે.
આ પહેલા ગુજરાતે પહેલા બોલિંગ કરતા રાજસ્થાન રૉયલ્સને માત્ર 130 રનો પર જ રોકી દીધા હતા. પહેલા બેટિંગ કરતા રાજસ્થાનના ઓપનરોએ સારી અને ઝડપી શરૂઆત કરવાનો પ્રયત્ન કર્યો, પરંતુ દર વખતની જેમ જ યશસ્વી જયસવાલ(22) રન બનાવીને આઉટ થયા, પરંતુ પહેલી વિકેટ પડી તો રાજસ્થાનનો કોઈ પણ બેટ્સમેન પિચ પર ન ટકી શક્યો. કેપ્ટન સંજૂ(14) સસ્તામાં પેવેલિયન ભેગા થયા તો દેવદત્ત(2) પણ કંઇ ખાસ ન કરી શક્યા. પરંતુ જ્યારે રાજસ્થાનનો આખો પ્લાન જમીનદોસ્ત થઇ ગયો. અહીંથી કોઇ બેટ્સમેન બટલરના નુકસાનની ભરપાઇ ન કરી શક્યું. હાર્દિક પંડ્યાએ સારી બોલિંગ કરી. પરિણામ એ રહ્યું કે રાજસ્થાન 20 ઓવરમાં 9 વિકેટ પર 130 રન જ બનાવી શક્યું. હાર્દિકે ત્રણ વિકેટ ઝડપી.
હાર્દિક મેચના હીરો
કેપ્ટન હાર્દિક પંડ્યા 30 બોલ પર 34 રન બનાવીને કેચ આઉટ થયા હતા. ગુજરાત ટાઇટન્સ તરફથી હાર્દિક પંડ્યાએ 17 રન આપીને 3 વિકેટ ઝડપી. ત્યારે, આર. સાઈ કિશોરે બે વિકેટ ઝડપી હતી.. ગુજરાત ટાઇટન્સે રાજસ્થાન રોયલ્સને 7 વિકેટે હરાવી પોતાની પ્રથમ IPLમાં ચેમ્પિયન બનીને ઇતિહાસ રચ્યો છે.
ધોનીના ક્લબમાં સામેલ થયા હાર્દિક
હાર્દિક પંડ્યા આઈપીએલ જીતનારા ચોથા ભારતીય કેપ્ટન છે. આ પહેલા એમએસ ધોની, ગૌતમ ગંભીર, રોહિત શર્મા આ ઉપલબ્ધિ હાંસલ કરી ચૂક્યા છે. ગુજરાત ટાઇટન્સ IPL જીતનારી 7મી ટીમ બની છે.
ઈન્ડિયન પ્રીમયર લીગ જીતનારી ટીમોની યાદી
2008 - રાજસ્થાન રૉયલ્સ
2009 - ડેક્કન ચાર્જર્સ
2010 - ચેન્નઈ સુપર કિંગ્સ
2011 - ચેન્નઈ સુપર કિંગ્સ
2012 - કોલકાતા નાઇટ રાઇડર્સ
2013 - મુંબઈ ઈન્ડિયન્સ
2014 - કોલકાતા નાઇટ રાઇડર્સ
2015 - મુંબઈ ઈન્ડિયન્સ
2016 - સનરાઇઝર્સ હૈદરાબાદ
2017 - મુંબઈ ઈન્ડિયન્સ
2018 - ચેન્નઈ સુપર કિંગ્સ
2019 - મુંબઈ ઈન્ડિયન્સ
2020 - મુંબઈ ઈન્ડિયન્સ
2021 - ચેન્નઈ સુપર કિંગ્સ
2022 - ગુજરાત ટાઇટન્સ
નેહરાનો મહત્વનો રોલ
ગુજરાતની જીતમાં કોચ આશીષ નેહરાએ પડદા પાછળ મહત્વ ભૂમિકા નિભાવી છે. તેમની શાનદાર રણનીતિની આગળ ધુરંધર ટીમો ધરાશાયી થઈ ગઈ.