2021ના પહેલા મહિનામાં જ જીએસટી આવકરુપે સરકારની તિજોરી છલોછલ ભરાઈ છે.
જાન્યુઆરી 2021 માં જીએસટીની આવકમાં 8 ટકાનો મોટો વધારો થયો છે
ગત મહિને એટલે કે ડિસેમ્બર 2020માં સરકારની જીએસટીની આવક રુ.1.15 લાખ કરોડ હતી
વધારે પ્રમાણમા જીએસટી રિર્ટન ફાઈલ થયા હોવાથી આવકમાં હજુ પણ વધારો થઈ શકે છે
નાણા મંત્રાલય દ્વારા રવિવારે જાહેર કરવામા આવેલા આંકડા અનુસાર જાન્યુઆરી મહિનામાં સરકારને જીએસટી પેટે રુ. 1.20 લાખ કરોડની જંગી આવક થઈ છે. અત્યાર સુધીના મહિનામાં સરકારને જીએસટીની આટલી મોટી આવક ક્યારેય પણ થઈ નથી.
ગત મહિને એટલે કે ડિસેમ્બર 2020માં સરકારની જીએસટીની આવક રુ.1.15 લાખ કરોડ હતી. મંત્રાલય દ્વારા જારી નિવેદનમાં કહેવાયું કે છેલ્લા પાંચ મહિનાથી જીએસટીની આવકમાં વધારાનો પ્રવાહ ચાલી રહ્યો છે. આ પ્રવાહ જાન્યુઆરીમાં પણ ચાલુ રહેવા પામ્યો છે. જાન્યુઆરી 2021 માં જીએસટીની આવકમાં 8 ટકાનો મોટો વધારો થયો છે.
જાન્યુઆરી 2021 ના મહિનામાં જીએસટીની કુલ આવક રુ.1,19,847 કરોડ રહી છે જેમાંથી રુ. 21,923 કરોડ સીજીએસટી, રુ. 29.014 એસજીએસટી, રુ.60,288 કરોડ ઈજીએસટી (ગુડ્સન ઈમ્પોર્ટ પર એકત્ર રુ.27,424 કરોડ સહિત) તથા રુ.8,622 કરોડની સેસની આવક સામેલ છે.
વધારે પ્રમાણમા જીએસટી રિર્ટન ફાઈલ થયા હોવાથી આવકમાં હજુ પણ વધારો થઈ શકે છે.
વધારે પ્રમાણમા જીએસટી રિર્ટન ફાઈલ થયા હોવાથી આવકમાં હજુ પણ વધારો થઈ શકે છે. નાણાકીય વર્ષ 2019-20 ના 12 મહિનામાંથી નવ મહિનામાં જીએસટીની આવક 1 લાખ કરોડને પાર પહોંચી હતી. જોકે ચાલુ નાણાકીય વર્ષમાં કોરોના મહામારી જીએસટી આવકને ભરખી ગઈ છે.