નાના કારોબારીઓને રાહત આપવા માટે સરકાર સેલ્સ રિટર્નમાં કેટલાક ખાસ પગલાં ઉઠાવવાની તૈયારીમાં છે. તેના આધારે માલ અને સેવાકર પ્રક્રિયાને સરળ કરાશે. આ નવી પ્રક્રિયામાં પાંચ કરોડ રૂપિયા સુધીનો કારોબાર કરનારા નાના કારોબારીઓને આવનારા વર્ષે જાન્યુઆરીથી માત્ર 4 સેલ્સ રિટર્ન ફાઈલ કરવાના રહેશે.
1 જાન્યુઆરીથી બદલાશે નિયમ
જાન્યુઆરીથી માત્ર 4 સેલ્સ રિટર્ન ફાઈલ કરવાના રહેશે
94 લાખથી વધુ લોકોને થશે અસર
કર વિભાગના સૂત્રો દ્વારા મળતી માહિતી અનુસાર આ સમયે કારોબારીઓને માસિક આધારે 12 રિટર્ન (GSTR 3B) ભરવાના હોય છે. આ સિવાય 4 જીએસટીઆર 1 (4 GSTR 1) ભરવાનું રહે છે. નવા નિયમ અનુસરા ટેક્સપેયર્સે ફક્ત 8 રિટર્ન ભરવાના રહેશે. તેમાં 4 જીએસટીઆર 3બી અને 4 જીએસટીઆર 1 રિટર્ન ભરવાના હશે.
94 લાખ ટેક્સપેયર્સ પર થશે અસર
મળતી માહિતી અનુસાર ટેક્સની માસિક ભુગતાન યોજનાની સાથે તિમાહી રિટર્ન દાખલ કરવાની યોજનાની અસર લગભગ 94 લાખ ટેક્સપેયર્સ પર થશે. આ જીએસટીના આધારે રજિસ્ટર્ડ ટેક્સપેયર્સના લગભગ 92 ટકા છે. આ યોજના GSTમાં પંજીકૃત કારોબારીઓને મોટી સંખ્યામાં ફાયદો કરશે. આ પ્રકારે આવનારા જાન્યુઆરીથી નાના કારોબારીઓને વર્ષમાં 4 જીએસટીઆર-3બી અને 4 જીએસટીઆર -1 રિટર્ન દાખલ કરવાના રહેશે.
નાના કારોબારીઓને મળશે રાહત
આ યોજનાને ઈનપુટ ટેક્સ ક્રેડિટ ઉપલબ્ધ કરાવવામાં પણ લાગૂ કરાશે. આ ફક્ત રિપોર્ટ કરનારા બિલને લઈને હશે. તેઓએ કહ્યું કે આ યોજનાના આધારે ઈનવોઈસ દાખલ કરવાની સુવિધાનો વિકલ્પ મળશે. આઈઆઈએફ સુવિધાના આધારે આ યોજનાનો લાભ લેનારા નાના કારોબારીઓને ત્રણ મહિના પહેલા અને બીજા મહિનામાં પોતાના બિલ અપલોડ કરવાના રહેશે.
1 જાન્યુઆરી 2021થી લાગૂ થશે નવી વ્યવસ્થા
GSTએ 5 ઓક્ટોબરમાં થયેલી બેઠકમાં આ વિશે નિર્ણય લીધો છે. તેઓએ કહ્યું કે 5 કરોડ રૂપિયા સુધીનો કારોબાર કરનારા કારોબારીઓને કરનો માસિક ભુગતાન કરવાની સાથે તિમાહીના આધારે રિટર્ન દાખલ કરવાની મંજૂરી મળશે. આ વ્યવસ્થા 1 જાન્યુઆરી 2021થી લાગૂ થશે.
નવેમ્બરમાં 1.05 લાખ કરોડ રૂપિયાનું GST કલેક્શન
આ મહિને વસ્તુ અને સેવા કર સંગ્રહ એક લાખ કરોડ રૂપિયાથી વધારે છે. નાણામંત્રાલયના આંકડા અનુસાર આ વર્ષે નવેમ્બરમાં વસ્તુ અને સેવા કરના રૂપમાં સરકારને 1,04,963 કરોડ રૂપિયાની કમાણી થઈ છે. આ કલેક્શનમાં CGSTના રૂપમાં સરકારને 19,189 કરોડ રૂપિયા મળ્યા છે. SGSTના રૂપમાં સરકારને 25540 કરોડ રૂપિયા મળ્યા છે. તો IGSTના રૂપમાં સરકારને 51992 કરોડ રૂપિયાની કમાણી થઈ છે. સેસની મદદથી સરકારને 8242 કરોડની કમાણી થઈ છે.