GST કાઉન્સિલે રાજ્યો પાસેથી 143 અઈટમ્સ પર ટેક્સ GST સ્લેબ વધારવાને લઈને સહેમતિ માંગી છે. જાણો કઈ કઈ છે આ વસ્તુઓ
143 અઈટમ્સ પર ટેક્સ GST સ્લેબ વધવાની શક્યતા
ઘણી વસ્તુઓ થઇ શકે છે Exempt Listથી બહાર
ગોળ અને પાપડ જેવી રોજીંદા વપરાશની વસ્તુઓ પણ છે સામેલ
સામાન્ય માનવીને મોંઘવારીનો માર હજુ ફરી પડી શકે છે. GST કાઉન્સિલ જે GSTને રેગ્યુલેટ કરે છે, તેણે રાજ્યો પાસેથી 143 અઈટમ્સ પર ટેક્સ GST સ્લેબ વધારવાને લઈને સજેશન્સ માંગ્યા છે. જો રાજ્યો પાસેથી પણ આ સજેશન્સ પર સહેમતિ મળી જાય છે, તો સામાન્ય માનવીને મોંઘવારી આગળ પરેશાન કરવાની છે. તમને જણાવી દઈએ કે GST કાઉન્સિલે કુલ 143 વસ્તુઓનાં GSTને વધારવાની વાત કરી છે.
આ વસ્તુઓના ભાવ વધારવાની ભલામણ કરવામાં આવી છે
143 વસ્તુઓ જેવીકે પાપડ, ગોળ, પાવર બેન્ક, ઘડિયાળ, સૂટકેસ, પરફ્યૂમ, ટીવી, ચોકલેટ, કપડા, ગોગલ્સ, વોશબેસીન, અખરોટ, કસ્ટર્ડ પાવડર, નોન આલ્કોહોલિક ડ્રિંક, ચશ્માં અને ચામડાની વસ્તુઓનાં ભાવ વધી શકે છે. GST કાઉન્સીલે ભલામણ કરી છે કે આમાંથી લગભગ 92 ટકા આઈટમ્સનાં ભાવ 18 ટકા GST ટેક્સ સ્લેબમાંથી હટાવી દઈને 28 ટકા ટેક્સ સ્લેબમાં સામેલ કરવામાં આવે. આ સાથે જ ઘણી વસ્તુઓને Exempt Listથી હટાવી દઈને ટેક્સની સીમામાં લાવવા પર વિચાર કરવામાં આવી રહ્યો છે. જણાવી દઈએ કે GST કાઉન્સિલે નવેમ્બર 2017 અને 2018માં જે વસ્તુઓ માટે GSTનાં ભાવમાં ઘટાડો કર્યો હતો તે હવે પાછો લે છે.
વર્ષ 2017માં ગુવાહાટીમાં મળેલી GST કાઉન્સિલની બેઠકમાં પરફ્યુમ, ચામડાની વસ્તુઓ, કપડાં, કોસ્મેટિક પ્રોડક્ટ્સ, ફટાકડા, પ્લાસ્ટિક, લેપ્સ, સાઉન્ડ રેકોર્ડર વગેરેના સામાનમાં GST કાપવામાં આવ્યો હતો. જો GST કાઉન્સિલની વર્તમાન ભલામણોનો સ્વીકાર કરવામાં આવે તો હવે તમારે આ બધી વસ્તુઓ પર વધુ પૈસા ચૂકવવા પડશે. આ સાથે, તમને ટીવી સેટ (32 ઇંચ), ડિજિટલ અને વિડિયો કેમેરા, પાવર બેંક વગેરેની કિંમતોમાં પણ વધારો મળી શકે છે. વર્ષ 2018ની GST બેઠકમાં આ તમામ વસ્તુઓના ભાવમાં ઘટાડો કરવામાં આવ્યો હતો.
આ વસ્તુઓ થશે Exempt Listથી બહાર
તમને જણાવી દઈએ કે રાજ્યોની સહમતિ બાદ ઘણી વસ્તુઓ Exempt Listથી બહાર થઈ જશે. તેમાં ગોળ અને પાપડ પણ છે. આવામાં, ગ્રાહકોને તે વસ્તુઓ ખરીદવા માટે વધારે ચૂકવવા પડશે. તે જ સમયે, હેન્ડ બેગ, વોશબેસીન, રેઝર, ચોકલેટ, કોકો પાવડર, કાંડા ઘડિયાળ, કોફી, નોન-આલ્કોહોલિક પીણાં, ડેન્ટલ ફ્લોસ, પરફ્યુમ, ઘરની વસ્તુઓ, દરવાજા, ઇલેક્ટ્રિકલ વસ્તુઓ વગેરે જેવી ઘણી વસ્તુઓમાંથી 18 થી હટાવીને 28% ના GST સ્લેબમાં મૂકવામાં આવ્યા છે.