કાર્યવાહી / વર્લ્ડ ઈનબૉક્સ-નૉલેજ શેરિંગ સહિત 48 કોચિંગ ક્લાસિસ પર પડી રેડ, અડધી રાતે GSTનો સપાટો

• રાજ્યમાં એક સાથે 48 કોચિંગ ક્લાસિસ પર GST વિભાગના દરોડા
• લાખો રૂપિયા ફી વસૂલી ચોપડે હિસાબ ન રાખતા હોવાની શંકાને આધારે દરોડા
• વર્લ્ડ ઇનબોક્સ અને નોલેજ શેરિંગના 12 ક્લાસિસમાં GST વિભાગના દરોડા

રાજ્યમાં એક સાથે 48 કોચિંગ ક્લાસિસ પર GST વિભાગ દ્વારા દરોડા પાડવામાં આવ્યા છે. ભાવનગર, અમદાવાદ, મહેસાણા, સાબરકાંઠા, ગાંધીનગર, સુરત અને નવસારીના કોચિંગ ક્લાસ પર દરોડા પાડવામાં આવ્યા છે. સૌથી વધુ સ્પર્ધાત્મક ભરતી પરીક્ષાના ક્લાસિસ પર સર્ચ કરવામાં આવ્યું છે. આ સર્ચ GST વિભાગ દ્વારા કરવામાં આવ્યું છે. ક્લાસિસ લાખો રૂપિયા ફી વસૂલી ચોપડે હિસાબ ન રાખતા હોવાની શંકાને આધારે દરોડા પાડવામાં આવ્યા છે. GSTમાં ઓછો ટેક્સ ભર્યો હોવાથી ક્લાસિસો ગત ઘણાં સમયથી રડારમાં હતાં. વર્લ્ડ ઇનબોક્સ અને નોલેજ શેરિંગના 12 ક્લાસિસમાં દરોડા પાડવામાં આવ્યા છે.

(પ્રતિકાત્મક તસવીર)

વર્લ્ડ ઇનબોક્સ, નોલેજ શેરિંગના 12 ક્લાસિસમાં દરોડા

વર્લ્ડ ઈનબોકસ અને નોલેજ શેરિંગ પ્રા.લિ.ના ભાવનગર, ગાંધીનગર, અમદાવાદ, મહેસાણા, ગોધરા, આણંદ, હિમ્મતનગર, સુરેન્દ્રનગર અને રાજકોટના 12 જેટલાં ક્લાસિસમાં દરોડા પાડવામાં આવ્યાં. જ્યારે વર્લ્ડ ઈનબોક્સ એડયુ પેપર પ્રા.લિ.ના ભાવનગર શહેરના બે, વર્લ્ડ ઈનબોક્સ એકેડમીના અમદાવાદ, રાજકોટ, ભાવનગર, હિંમતનગરના 4 સ્થળોને GST વિભાગ દ્વારા સકંજામાં લેવામાં આવ્યા. જ્યારે સ્વામી વિવેકાનંદ એકેડમી ગાંધીનગર તથા ભાવનગરના પાંચ સ્થળો, ગાંધીનગરની વિવેકાનંદ એકેડમીના ત્રણ તથા કિશોર ઈન્સ્ટિટ્યૂટના ચાર સ્થળોએ  તપાસ હાથ ધરવામાં આવી.

13 જેટલાં કોચિંગ ક્લાસિસના સંચાલકોના 48 સ્થળોએ તવાઇ

બીજી બાજુ સુરત-નવસારીના યુવા ઉપનિષદ ફાઉન્ડેશનના પાંચ, સુરતના પાનવાલા ક્લાસિસના એક અને જરીવાલા ક્લાસિસના ત્રણ સ્થળો મળીને કુલ 9 સ્થળો પર GST વિભાગના અધિકારીઓની ટીમે તપાસ હાથ ધરી. જ્યારે વેબ સંકુલ પ્રા.લિ.ના ગાંધીનગર, અમદાવાદ, જામનગર, ભાવનગરના 6 સ્થળો તો ગાંધીનગરના વેબ સંકુલ કોમ્પ્યુટર ક્લાસિસ અને જીપીએસએસી ઓનલાઈન તથા જૂનાગઢના કોમ્પિટિટીવ કેરિયર પોઈન્ટ મળીને કુલ 13 જેટલાં કોચિંગ ક્લાસિસના સંચાલકોના 48 સ્થળોએ GST વિભાગે તવાઇ બોલાવી દીધી.

13 કોચિંગ ક્લાસના 48 સ્થળોએ દરોડા

1. વર્લ્ડ ઈનબોક્સ નોલેજ શેરીંગ પ્રાઈવેટ લિમિટેડ (12 સ્થળે દરોડા)
શહેર: ભાવનગર, ગાંધીનગર, અમદાવાદ, મહેસાણા, ગોધરા, આણંદ, હિંમતનગર, સુરેન્દ્રનગર અને રાજકોટ

2. વર્લ્ડ ઈનબોક્સ એડ્યુ. પેપર પ્રાઈવેટ લિમિટેડ (2 સ્થળે દરોડા)
શહેર: ભાવનગર

3. વર્લ્ડ ઈનબોક્સ એકેડમી (4 સ્થળે દરોડા)
શહેર: અમદાવાદ, રાજકોટ, ભાવનગર, હિંમતનગર

4. સ્વામી વિવેકાનંદ એકેડમી (5 સ્થળે દરોડા)
શહેર: ગાંધીનગર, ભાવનગર

5. વિવેકાનંદ એકેડમી (3 સ્થળે દરોડા)
શહેર: ગાંધીનગર

6. કિશોર ઈન્સ્ટિટ્યૂટ (4 સ્થળે દરોડા)
શહેર: ગાંધીનગર

7. યુવા ઉપનિષદ ફાઉન્ડેશન (5 સ્થળે દરોડા)
શહેર: સુરત, નવસારી

8. પાનવાલા ક્લાસિસ (એક સ્થળે દરોડા)
શહેર: સુરત

9. જરીવાલા ક્લાસિસ (3 સ્થળે દરોડા)
શહેર: સુરત

10. વેબસંકુલ પ્રાઈવેટ લિમિટેડ (6 સ્થળે દરોડા)
શહેર: ગાંધીનગર, અમદાવાદ, જામનગર, ભાવનગર

11. જીપીએસસી ઓનલાઈન (એક સ્થળે દરોડા)
શહેર: ગાંધીનગર

12. વેબસંકુલ કોમ્પ્યુટર ક્લાસિસ (એક સ્થળે દરોડા)
શહેર: ગાંધીનગર

13. કોમ્પિટિટીવ કેરિયર પોઈન્ટ (એક સ્થળે દરોડા)
શહેર: જૂનાગઢ