પીએમ નરેન્દ્ર મોદી સરકાર દ્વારા એડી ચોટીનું જોર લગાવાયા બાદ પણ માલ અને સેવા કર (GST) કલેક્શન થઇ શક્યું નથી. ત્યારે આ સ્થિતિમાં સરકાર તરફથી એક ખાસ પહેલ કરવામાં આવી છે. સરકારે જીએસટી (GST) લૉટરી યોજનાની શરૂઆત કરી છે. આ યોજના હેઠળ 10 લાખ રૂપિયાથી 1 કરોડ રૂપિયા સુધીના ઇનામોની જાહેરાત કરવામાં આવશે.
સરકારે જીએસટી (GST) લૉટરી યોજનાની શરૂઆત કરી
આ યોજના હેઠળ 10 લાખ રૂપિયાથી 1 કરોડ રૂપિયા સુધીના ઇનામોની જાહેરાત કરાશે
જીએસટી (GST) ના તમામ બિલ પર ગ્રાહકને લૉટરી જીતવાની તક મળશે
તેની જાણકારી આપતા કેન્દ્રીય અપ્રત્યક્ષ કર અને સીમા શુલ્ક બોર્ડ (CBIC)ના સભ્ય જૉન જોસફે જણાવ્યું કે, જીએસટી (GST) ના તમામ બિલ પર ગ્રાહકને લૉટરી જીતવાની તક મળશે. તેના કારણે ગ્રાહક ટેક્સ ચૂકવવા માટે પ્રોત્સાહિત થશે.
જોસફે કહ્યું, અમે એક નવી લૉટરી સિસ્ટમ લઇને આવ્યા છે. જીએસટી (GST) હેઠળ પ્રત્યેક બિલ પર લૉટરી જીતી શકાશે. તેનો ડ્રૉ નીકાળવામાં આવશે. લૉટરીનું મુલ્ય એટલુ ઉંચું છે કે ગ્રાહક એમ જ કહેશે કે 28 ટકાની 'બચત' નહીં કરવા પર મારી પાસે 10 લાખ રૂપિયાથી એક કરોડ રૂપિયા જીતવાની તક રહેશે. આ ગ્રાહકની આદતમાં બદલાવ સાથે જોડાયેલો પ્રશ્ન છે.
આ યોજના હેઠળ, બિલોને પોર્ટલ પર અપલોડ કરવામાં આવશે. લૉટરી ડ્રૉ કોમ્પ્યૂટર સિસ્ટમ દ્વારા ઓટોમેટિક થશે. વિજેતાઓને તેની સૂચનાઓ આપવામાં આવશે. જીએસટી સિસ્ટમ હેઠળ ચાર ટેક્સ સ્લેબ 5, 12, 18, અને 28 ટકા છે.
નાણામંત્રી નિર્મલા સીતારમણની આગેવાની વાળી જીએસટી પરિષદ પ્રસ્તાવિત લૉટરી યોજના ની સમીક્ષા કરશે. આ પરિષદ એ પણ નિર્ણય લેશે કે આ યોજના હેઠળ લઘુત્તમ બિલની મર્યાદા શું રાખવામાં આવે. યોજના મુજબ, લૉટરી વિજેતાઓને પૂરસ્કાર ઉપભોક્તા કલ્યાણ ફંડથી આપવામાં આવશે.