ફેરફાર / GST માટે 1 એપ્રિલ, 2020થી ઈ-ઈન્વોઇસ બિલિંગ ફરજિયાત

• ઇ-ઇન્વોઇસ બિલિંગ સિસ્ટમમાં કરવામાં આવશે ફેરફાર
• ૧ એપ્રિલ, ૨૦૨૦થી ઇ-ઇન્વોઇસ સિસ્ટમ અનિવાર્ય બની જશે
• ૧૦૦ કરોડથી વધુ ટર્નઓવર ધરાવતી કંપનીઓ માટે આ સિસ્ટમ ફરજિયાત

આ પહેલાં સરકાર રૂ. ૫૦૦ કરોડથી વધુ ટર્નઓવર ધરાવતી કંપની માટે  ૧ જાન્યુઆરી, ૨૦૨૦થી આ સિસ્ટમને સ્વૈચ્છિક રીતે લાગુ પડશે, પરંતુ ૧ ફેબ્રુઆરીથી રૂ.૧૦૦ કરોડનું ટર્નઓવર ધરાવતી કંપનીઓ માટે પણ આ સિસ્ટમ લાગુ કરી દેવાશે, જોકે એપ્રિલ સુધી આ સિસ્ટમ સ્વૈચ્છિક રહેશે, પરંતુ ૧ એપ્રિલ, ૨૦૨૦થી રૂ.૧૦૦ કરોડનું ટર્નઓવર ધરાવતી કંપનીઓ માટે આ સિસ્ટમ ફરજિયાત બની જશે.

આ સિસ્ટમ હેઠળ ઇન્વોઇસ સિસ્ટમમાં ફેરફાર કરવામાં આવશે. ઇલેક્ટ્રોનિક ઇન્વોઇસ બિલિંગ સિસ્ટમમાં દરેક હેડ માટે સ્ટાન્ડર્ડ ફોર્મેટ તૈયાર કરવામાં આવશે, તેમાં ઇ-સાઇન પણ હશે અને ક્યુઆર કોડ પણ આપવામાં આવશે. સપ્લાયર અને રિસિવર બિલને રિયલ ટાઇમ જોઇ શકશે. અત્યારે બિલ બન્યા બાદ ફિઝિકલી કે બીજા મોડ દ્વારા મોકલવું પડે છે.

જીએસટીના સ્લેબ દરમાં પણ મોટો ફેરફાર કરાશે
સતત ઘટતા જતા જીએસટી રેવન્યૂ કલેક્શન અને રેવન્યૂ ટાર્ગેટ પૂરો નહીં થવાના કારણે હવે જીએસટી પેનલ પાંચ ટકાના ટેક્સ સ્લેબને એક ટકો વધારીને છ ટકા કરવા ઇચ્છે છે. આ ઉપરાંત વેલ્યૂ એડેડ ટેક્સ અંતર્ગત આવતી વસ્તુઓને જીએસટીના દાયરામાં લાવવામાં આવશે.

તેમાં સિગારેટ અને એરેટેડ ડ્રિંક્સ પર લગાવવામાં આવતાે કોમ્પેન્સેસન ટેક્સ પણ વધારવાની વિચારણા ચાલી રહી છે. વર્તમાન રિસ્ટ્રકચરિંગ પ્રોસેસમાં ઓટો સેક્ટરને સામેલ નહીં કરાય.