દરોડા / સુરતમાં 13 પેઢીઓ પર GST વિભાગના દરોડા, કરોડોની ઇનપુટ ટેક્સ ક્રેડિટ છેતરપીંડીની આશંકા

• ટેક્સટાઇલ, કેમિકલ,સીરામીકના વેપારીઓને ત્યાં દરોડા
• બોગસ બીલિંગની આશંકાને પગલે દરોડા
• ધંધાકીય દસ્તાવેજોનું વેરીફીકેશન હાથ ધરાયું

સુરતમાં આજે પેઢીઓમાં ફફડાટ વ્યાપી ગયો છે.  GST વિભાગે શહેરમાં હાહાકાર મચાવી દીધો છે. પેઢીઓમાં નાણાકિય બીલોની લેતી દેતીમાં કરોડોના ગફલાઓ થયા હોવાની શંકાઓ સેવાઈ રહી છે. 13 પેઢીઓ ઉપર GST વિભાગ ત્રાટ્ક્યુ છે. 

કાગળ ઉપર જ વેપાર હોવાની આશંકા
કરોડોન ધંધો માત્ર કાગળ ઉપર જ થયો હોવાની શંકા સેવાઈ રહી છે. GST વિભાગને ગફલતમાં નાંખવા માટે જ ખોટા હિસાબો લખાયા હોવાની પણ શંકા છે. માત્ર કાગળ ઉપર હિસોબો હોવાનું ખુલી શકે છે. બોગસ બીલિંગની આશંકાને પગલે દરોડા પાડવામાં આવ્યા છે. કરોડોની ઇનપુટ ટેક્સ ક્રેડિટ છેતરપીંડીની આશંકા પણ સેવાઈ રહી છે. 

13 પેઢીઓને લીધી ઝપેટમાં 
સુરતની જાણીતી ટેક્સટાઇલ, કેમિકલ,સીરામીકના વેપારીઓને ત્યાં દરોડા પાડવામાં આવ્યા છે અને તે તમામનું ધંધાકીય દસ્તાવેજોનું વેરીફીકેશન હાથ ધરાયું છે. 20થી વધુ પેઢીઓ લીસ્ટમાં હોવાનું ચર્ચાઈ રહ્યુ છે.