ભાવનગરથી મોહમ્મદ અબ્બાસ મેઘાણીની ધરપકડ કરી, 25 બોગસ પેઢીઓ ઓપરેટ કરી રૂ. 739 કરોડના બોગસ બિલ ઇસ્યૂ કર્યાં હવાનું સામે આવ્યું છે
સ્ટેટ GST વિભાગની કરી મોટી કાર્યવાહી
બોગસ બિલીગ કૌભાંડ મામલે વધુ બે લોકોની ધરપકડ
ભાવનગરથી મોહમ્મદ અબ્બાસ મેઘાણીની ધરપકડ
સ્ટેટ GST વિભાગની મોટી કાર્યવાહી હાથ ધરી છે. બોગસ બિલીગ કૌભાંડ મામલે વધુ બે લોકોની ધરપકડ કરી છે. ભાવનગરથી મોહમ્મદ અબ્બાસ મેઘાણીની ધરપકડ કરી છે. 25 બોગસ પેઢીઓ ઓપરેટ કરી રૂ. 739 કરોડના બોગસ બિલ ઇસ્યૂ કર્યાં હવાનું સામે આવ્યું છે. રૂ.135 કરોડની ઇનપુટ ટેક્સ ક્રેડિટ અન્ય વેપારીઓને બદલી હતી. અન્ય એક પ્રકરણમાં શબાના કલ્લીવાલાની ધરપકડ કરાઈ છે. એચ. કે. મેટલના માલિક શબાના કલ્લીવાલાએ બોગસ બિલીગ કર્યું હોવાનું પણ સામે આવ્યું છે. રૂ. 87 કરોડના બોગસ બિલ દ્વારા રૂ. 16 કરોડની વેરાશાખ અન્ય વેપારીઓને બદલી કરી હતી.
કૌભાંડ મામલે રાજ્ય સરકાર એક્શનમાં
ગુજરાતમાં ટેક્સચોરી અને તેમાં મદદ કરી રહેલા અધિકારીઓ સામે હવે સરકારે બાંયો ચડાવી છે. રાજ્યમાં છેલ્લા ઘણા સમયથી ટેક્સ ચોરીને જલસા કરી રહેલી કંપનીઓ તથા આવી કંપનીઓને છાવરતા અમુક અધિકારીઓ વિશે ચર્ચા જોરમાં હતી ત્યારે 30 જુલાઈ 2021ના દિવસે એક ઝાટકે સરકારે મોટા પાયે અધિકારીઓની બદલીઓ કરવાનો નિર્ણય કર્યો હતો.
એક ઝાટકે 36 અધિકારીઓની બદલી
નોંધનીય છે કે રાજ્યની ઘણી બધી કંપનીઓ GSTમાં કરચોરી કરીને કૌભાંડ આચરતી હોવાનું GST વિભાગ દ્વારા ખુલાસો કરવામાં આવ્યો હતો. એક અંદાજ મુજબ આખા રાજ્યમાં એક હજાર કરોડથી વધારે રૂપિયાની કરચોરીનું કૌભાંડ GSTમાં કરવામાં આવ્યું છે ત્યારે સરકાર હવે એક્શનમાં આવતા તપાસમાં ખલેલ ન પહોંચે તે માટે એક સાથે 36 અધિકારીઓની બદલી કરવાના આદેશ આપ્યા હતા.
આ બદલીઓમાં નાયબ વેરા કમિશનરનું પણ નામ આવે છે જ્યારે ક્લાસ-1 હિસાબી અધિકારી હાર્દિક પ્રજાપતિને સસ્પેન્ડ કરવામાં આવ્યા છે.
એક બાદ એક થઈ રહી છે કાર્યવાહી
આ સાથે જ ભાવનગરમાં સાત કરોડ રૂપિયાનાં બીલ કૌભાંડ મામલે પણ કાર્યવાહી કરવામાં આવી છે તથા તપાસનાં આદેશ આપવામાં આવ્યા છે. નોંધનીય છે કે થોડા દિવસ પહેલા જ ભાવનગરનાં એક રોહિત ડાભી નામક વ્યક્તિની બોગસ બિલિંગ કૌભાંડ મામલે જ ધરપકડ કરવામાં આવી હતી. કૌભાંડ મામલે અત્યાર સુધીમાં કેટલાય આરોપીઓની ધરપકડ કરવામાં આવી છે.
GST વિભાગે પકડી પાડ્યું હતું કૌભાંડ
નોંધનીય છે કે આજે જ ટેક્સ અધિકારીઓએ 1000 કરોડનાં બોગસ બિલિંગ કૌભાંડ મામલે વધુ કંપનીઓનાં નામ શોધી કાઢ્યા છે અને ભાવનગરમાં તપાસ શરૂ કરવામાં આવી છે. ગુજરાત સ્ટેટ GST વિભાગે આખું કૌભાંડ ઝડપી પાડ્યું છે અને તે હેઠળ સમગ્ર કાર્યવાહી હાથ ધરવામાં આવી રહી છે.