એક્શન / અમદાવાદમાં અધધધ.... રૂ. 2435 કરોડનું GST કૌભાંડ ઝડપાતા હડકંપ, 7259 કરોડ સુધી આંકડો જાય તેવી એજન્સીને શંકા

• અમદાવાદમાં મોટું GST કૌભાંડ પકડાયું
• સેન્ટ્રલ GSTની ટીમે ન્યૂ રાણીપમાં પાડ્યા દરોડા
• સેન્ટ્રલ GSTની ટીમે 2435.96 કરોડનું કૌભાંડ ઝડપ્યું

સેન્ટ્રલ GSTની ટીમે ન્યૂ રાણીપમાં 2435.96 કરોડનું કૌભાંડ પકડ્યું છે. શુકન સ્માઇલ સિટીમાં રહેતા ભરત સોનીની ધરપકડ કરાઇ છે. સોના-ચાંદી અને હીરાના ખોટા બિલો બનાવી કૌભાંડ કર્યું હતું. સુનિયોજીત કાવતરું રચીને કૌભાંડ કરતા હતા. પરિવારના નામે 6 અલગ અલગ કંપનીઓ બનાવી કૌભાંડ કર્યું.

ભરત સોનીએ 6 અલગ અલગ કંપનીઓ બનાવી

ભરત સોનીએ પુત્ર, પુત્રવધુ, સાળાના નામે ટ્રેડિંગ ફર્મ સ્થાપી હતી. જેમાં ઘનશ્યામ જ્વેલર્સ(ભરત સોની પોતે), કનિષ્ક જ્વેલર્સ(ભાવિન સોની, પુત્ર) દીપ જ્વેલર્સ(દીપાલી પાટડીયા, પુત્રી), NS એન્ટરપ્રાઈઝ(નીતિન પાટડીયા, જમાઈ), SA ઓર્નામેન્ટ(શ્વેતા પાટડીયા, પુત્રી), B-2 જેમ્સ(આદર્શ પાટડીયા, જમાઈ)નો સમાવેશ થાય છે.

આમ, 2435.96ની કિંમત આંકી 72.25 કરોડની ક્રેડિટ મેળવી હતી. ખરીદદારોના નામે ઇનપુટ ટેક્ષ ક્રેડિટ મેળવી હતી. આરોપીને કોર્ટમાં રજૂ કરીને મેળવાઇ જ્યુડીશીયલ કસ્ટડીમાં મોકલાયો છે. ભરત સોની હાલ 14 દિવસની જ્યુડીશીયલ કસ્ટડી હેઠળ છે. 7250 કરોડ સુધી કૌભાંડ જાય તેવી એજન્સીને શંકા છે. ઇનપુટ ટેક્સ ક્રેડિટ હેઠળ 210 કરોડની ચોરી સામે આવશે.