GST કાઉન્સિલ ( GST Council Meeting )ની આગામી બેઠકમાં મોટાં નિર્ણયો લેવામાં આવી શકે છે. સૂત્રો તરફથી મળી રહેલી જાણકારી મુજબ, કમાણી વધારવા માટે કેન્દ્ર સરકાર GST મુક્ત વસ્તુઓ અને સેવાઓ (GST Rate List) પર પણ ટૅક્સ લગાવવાના સંકેત આપ્યાં છે.
GST કાઉન્સિલની આગામી બેઠકમાં મોટાં નિર્ણયો લેવામાં આવી શકે છે
કેન્દ્ર સરકારે રાજ્યોને પત્ર લખીને GST વસૂલી વધારવા અને ટૅક્સ ચોરી રોકવા માટે સૂચનો માંગ્યા
ત્રણ મહિના બાદ નવેમ્બર મહિનામાં GST કલેક્શન 1 લાખ કરોડ રૂપિયાની પાર પહોંચ્યું છે
કેન્દ્ર સરકારે રાજ્યોને પત્ર લખીને GST વસૂલી વધારવા અને ટૅક્સ ચોરી રોકવા માટે સૂચનો માંગ્યા છે. આપને જણાવી દઈએ ત્રણ મહિના બાદ નવેમ્બર મહિનામાં GST કલેક્શન 1 લાખ કરોડ રૂપિયાની પાર પહોંચ્યું છે.
આગામી GST કાઉન્સિલની બેઠકમાં થશે નિર્ણય
GST કાઉન્સિલની બેઠકમાં 15 ડિસેમ્બર બાદ પ્રસ્તાવિત છે. સૂત્રોનું માનીએ તો GST માં છૂટ મળતી વસ્તુઓ અને સેવાઓની સરકાર સમીક્ષા કરશે.
શૂન્ય ટકાવાળા સ્લેબમાં અનબ્રાન્ડેડ અનાજ, ફ્રેશ મીટ અને દૂધ જેવી આઈટમ્સની સમીક્ષા થશે. આ ઉપરાંત ઇનવર્ટેડ ડ્યૂટી સ્ટ્રક્ચરવાળા ઉત્પાદનોની વિસંગતિઓને દૂર કરાશે.
GST વસૂલી વધારવા અને ટૅક્સ ચોરી રોકવાના પગલાઓની પણ સમીક્ષા કરાશે. સરકારની સૌથી મોટી પરેશાની GSTથી ઘટતી કમાણી છે.
આ માટે સરકાર મોટા પગલાં ભરવાની તૈયારીમાં છે. કેન્દ્ર સરકારે તમામ રાજ્યોને પત્ર લખીને રેવન્યુ વધારવા માટેના સૂચનો માંગ્યાં છે. રાજ્યોના અધિકારીઓને 6 ડિસેમ્બર સુધી સૂચનો આપવાના રહેશે.
3 મહિના બાદ નવેમ્બરમાં પ્રથમ વખત GST કલેક્શન 1 લાખ કરોડ
નાણાં મંત્રાલય તરફથી જાહેર કરાયેલા આંકડાઓમાં બતાવવામાં આવ્યું છે કે નવેમ્બર મહિનામાં GST વસૂલી વધીને 1,03,492 કરોડ રૂપિયા થઈ ગઈ છે. આ ઑક્ટોબર મહિનાની સરખામણીએ 8000 કરોડ રૂપિયા વધારે છે.
ઑક્ટોબરમાં GST કલેક્શન 95380 કરોડ રૂપિયા રહી હતી. નાણાં મંત્રાલય અનુસાર નવેમ્બરમાં 19592 કરોડ રૂપિયા CGST, 27144 કરોડ રૂપિયા SGST, 49028 રૂપિયા IGST ( આયાતથી પ્રાપ્ત 20948 કરોડ રૂપિયા પણ શામેલ) પ્રાપ્ત થયેલ છે.