કામની વાત / ઈન્સ્યોરન્સ પોલિસીધારકો માટે ગુડ ન્યૂઝ, લાઈફ અને હેલ્થ વીમા પ્રીમિયમ પર ઘટી શકે GST

જીવન અને આરોગ્ય વીમા પૉલિસી પરના ઊંચા GST દરોથી રાહત મળી શકે છે. આવતીકાલે એટલે કે 9મી સપ્ટેમ્બરે GST કાઉન્સિલની ખૂબ જ મહત્વપૂર્ણ બેઠક યોજાવાની છે અને આ બેઠક ઘણી રીતે મહત્વપૂર્ણ છે કારણ કે તેમાં GST સંબંધિત ઘણા મુદ્દાઓ પર ચર્ચા કરવામાં આવશે.

જો વીમા પરનો GST ઘટાડવામાં આવે અથવા નાબૂદ કરવામાં આવે તો તેનાથી સામાન્ય લોકોને ઘણી રાહત મળશે અને તેમના માટે વીમો લેવો સસ્તો થશે. આ બેઠકમાં ઓનલાઈન ગેમિંગ પર સ્ટેટસ રિપોર્ટ સહિત અન્ય ઘણા મુદ્દાઓ પર ચર્ચા કરવામાં આવશે.

સૂત્રોના જણાવ્યા અનુસાર, કેન્દ્ર અને રાજ્યના ટેક્સ અધિકારીઓની બનેલી ફિટમેન્ટ કમિટી જીવન, સ્વાસ્થ્ય અને રિઇન્શ્યોરન્સ પ્રિમિયમ અને આવક પર લાદવામાં આવેલા GST સંબંધિત રિપોર્ટ સબમિટ કરશે.

નાણામંત્રી નિર્મલા સીતારમણની અધ્યક્ષતામાં અને રાજ્યના પ્રધાનોનો સમાવેશ કરતી GST કાઉન્સિલ નક્કી કરશે કે આરોગ્ય વીમા પર GST 18 ટકાથી ઘટાડવો જોઈએ કે વરિષ્ઠ નાગરિકો જેવી કેટલીક શ્રેણીઓને છૂટ આપવી જોઈએ. એવું પણ કહેવાય છે કે 9 સપ્ટેમ્બરે દિલ્હીમાં યોજાનારી GST કાઉન્સિલની બેઠકમાં વીમા પર GST 18 ટકાથી ઘટાડીને 5 ટકા કરવામાં આવી શકે છે.

વધુ વાંચો: તમારી કારનો ઈન્સ્યોરન્સ છે? ક્લેમ કરતા પહેલા જાણી લેજો, વીમામાં નહીં કવર થાય આ 5 વસ્તુ

GSTના અમલ પહેલા ટર્મ અથવા જીવન અને સ્વાસ્થ્ય વીમા પર 15 ટકા ટેક્સ લાગતો હતો. પરંતુ GST લાગુ થયા પછી તેમાં 3 ટકાનો વધારો થયો અને આ વીમા પર 18 ટકાના દરે GST વસૂલવાનું શરૂ થયું. 3 ટકા ટેક્સમાં વધારાની સીધી અસર વીમા પોલિસીના પ્રીમિયમ પર પડી અને તેની કિંમતોમાં વધારો થયો હતો. એ બાદથી તેનો વિરોધ થઈ રહ્યો હતો અને GSTઘટાડાની વાત થઈ રહી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ