અર્થવ્યવસ્થામાં મંદીની અસર વચ્ચે આજે ગોવામાં GST કાઉન્સિલની મહત્વની બેઠક મળી હતી. જેમાં હોટલ ઈન્ડસ્ટ્રીને રાહત આપતો નિર્ણય લેવામાં આવ્યો હતો. આ બેઠકમાં 7500 રૂપિયાથી વધારાના હોટલ ભાડા પર હવે 18 ટકા જીએસટી નક્કી કરવામાં આવ્યો છે. આ સાથે જે 7500 ઓછાં ભાડા પર 12 ટકા GST લાગૂ કરવાનો નિર્ણય આ બેઠકમાં લેવામાં આવ્યો છે.
GST કાઉન્સિલની બેઠકમાં નિર્ણય
હોટલ ઈન્ડસ્ટ્રીને અપાઇ રાહત
GST કાઉન્સિલની આ 37મી બેઠક
નોંધનીય છે કે, GST કાઉન્સિલની આ 37મી બેઠક છે. આ બેઠક નાણામંત્રી નિર્મલા સિતારમણની અધ્યક્ષતામાં ગોવા ખાતે યોજાઇ છે. જેમાં તમામ રાજ્યોના નાણામંત્રી પણ બેઠકમાં ઉપસ્થિત રહ્યા હતા. ત્યારે હોટલ સેક્ટરના GST દરોમાં ઘટાડો કરવામાં આવતા મંદીના સમયગાળામાં હોટલ સેક્ટરને ફાયદો થવાની આશા છે.
કોર્પોરેટ જગતને લઇને મોટી જાહેરાત
આજરોજ GSTની બેઠક પૂર્વે નાણાંમંત્રી નિર્મલા સીતારમણે પત્રકાર પરીષદ યોજી કોર્પોરેટ જગતને લઇને મોટી જાહેરાત કરી છે. જેમાં નાણાંમંત્રીએ કંપનીઓના કોર્પોરેટ ટેકસમાં ઘટાડાની જાહેરાત કરી છે. જેને લઇને મેન્યુફેકચરિંગ કંપનીઓને મોટી રાહત થશે. કંપનીઓ માટે નવો કોર્પોરેટ ટેક્સ 25.17 ટકા નક્કી કરવામાં આવ્યો છે જ્યારે કેપિટલ ગેન પરનો સરચાર્જને દૂર કરવામાં આવ્યો છે.
નિર્મલા સીતારમણે પ્રેસ કોન્ફરન્સમાં જણાવ્યું કે મેક ઇન ઇન્ડિયાને પ્રોત્સાહિત કરવા માટે IT એક્ટમાં નવી જોગવાઇ જોડવામાં આવી છે, જે નક્કી કરશે કે કોઇપણ નવી ઘરેલુ કંપનીઓનું ગઠન જે 1 ઓક્ટોબર 2019 કે ત્યારબાદ થઇ હોય અને જે નવું રોકાણ કરી રહી છે તેમને 15 ટકાના દરથી ટેક્સ ચૂકવશે.
શેરબજારનાં સેન્સેક્સમાં ઉછાળો
GST કાઉન્સીલની બેઠક પહેલા નાણાંમંત્રી નિર્મલા સીતારમણે કેટલીક મોટી જાહેરાત કરી છે. કેન્દ્રીય મંત્રીએ કંપની અને વેપારીઓને મોટી રાહત આપતા કોર્પોરેટ ટેક્સ ઘટાડવાની વાત કરી છે. કેન્દ્ર સરકારની થોડીક મીનિટો બાદ જ શેરબજારનાં સેન્સેક્સમાં 2000 અંકોની તેજી જોવા મળી તો નિફ્ટીમાં પણ 600થી વધુ અંકની તેજી જોવા મળી. આ બજારમાં 10 વર્ષની સૌથી મોટી તેજી છે. એવામાં રોકાણકારોને પણ વેપાર દરમ્યાન 5 લાખ કરોડથી પણ વધારે નફો થયો છે.