જીએસટી કલેક્શન (GST Collection) ના મોરચે કેન્દ્ર સરકારને મોટી રાહત મળી છે. સતત બે મહીના સુધી લક્ષ્યથી ઓછુ રહ્યા બાદ નવેમ્બર મહીનામાં જીએસટી કલેક્શન 1 લાખ કરોડ રૂપિયાને પાર પહોંચ્યું છે. નવેમ્બર મહીનામાં કુલ જીએસટી કલેક્શન 1.03 લાખ કરોડ રૂપિયા રહ્યું.
GDP ગ્રોથના મોરચે મોદી સરકાર નિષ્ફળ રહ્યા બાદ GST કલેક્શનથી મળ્યા રાહતના સમાચાર
નવેમ્બર મહીનામાં કુલ જીએસટી કલેક્શન 1.03 લાખ કરોડ રૂપિયા રહ્યું
આ પહેલા સપ્ટેમ્બરમાં 91,916 કરોડ રૂપિયા, અને ઓક્ટોબરમાં 95,380 કરોડ રૂપિયા રહ્યો
નવેમ્બરમાં પ્રાપ્ત કરવામાં આવેલા કુલ 1.03 લાખ કરોડ રૂપિયામાંથી સેન્ટ્રલ જીએસટી ( CGST ) રેવેન્યૂ કલેક્શન 19,592 કરોડ રૂપિયા રહ્યું છે. ત્યારે તેમા સ્ટેટ જીએસટી ( SGST ) રેવેન્યૂ કલેક્શન 27,144 કરોડ રૂપિયા રહ્યું છે. જ્યારે, ઇન્ટીગ્રેટેડ જીએસટી ( IGST ) રેવેન્યૂ કલેક્શન 49,028 કરોડ રૂપિયા રહ્યું છે.
સત્તાવાર સૂત્રોનું કહેવું છે કે નવેમ્બરમાં GST સંગ્રહના આંકડાઓથી જાણવા મળે છે કે વપરાશમાં સુધાર આવી રહ્યો છે. તેઓએ કહ્યું કે વિના હસ્તક્ષેપ ટેક્સ વસૂલ કરવાની રીતથી કર-પાલન સુધારવામાં મદદ મળી છે.
ગત બે મહીનામાં લક્ષ્યથી ઓછો રહ્યો હતો GST કલેક્શન
આ પહેલા સપ્ટેમ્બર મહીનામાં કુલ જીએસટી કલેક્શન 91,916 કરોડ રૂપિયા અને ઓક્ટોબર મહીનામાં 95,380 કરોડ રૂપિયા રહ્યો હતો. સપ્ટેમ્બર મહીનામાં જીએસટી કલેક્શન ગત 19 મહીનામાં સૌથી લઘુત્તમ સ્તર પર હતો. ઓગસ્ટ મહીનામાં જીએસટી કલેક્શન 98,202 રહ્યો હતો.
નોંધનીય છે કે, જુલાઇ 2019માં જીએસટી લાગૂ કર્યા બાદ આ 8મો એવો મહીનો છે, જ્યારે જીએસટી કલેક્શન 1 લાખ કરોડ રૂપિયાના લક્ષ્યની પાર પહોંચ્યું છે. સાથે જ, નવેમ્બર 2019માં જીએસટી કલેક્શન અત્યાર સુધીનું ત્રીજુ સૌથી વધારે કલેક્શન છે. આ પહેલા એપ્રિલ 2019માં અને માર્ચ 2019માં જીએસટી કલેક્શન સૌથી વધારે રહ્યું હતું. એપ્રિલ 2019માં જીએસટી કલેક્શન 1.13 લાખ કરોડ રૂપિયા અને માર્ચ 2019માં કુલ જીએસટી કલેક્શન 1.06 લાખ કરોડ રૂપિયા રહ્યું હતું.