એપ્રિલ-સપ્ટેમ્બર દરમિયાન ગ્રોસ જીએસટી કલેક્શન 6,06,278 કરોડ રૂપિયા રહ્યું
નોંધનીય છે કે, સપ્ટેમ્બર 2019માં કુલ 91,916 કરોડ રૂપિયાનું જીએસટી કલેક્શન થયું હતું. આ આંકડો 19 માસના સૌથી નીચલા સ્તરે હતો. ગત ઓગસ્ટ મહીનામાં પણ જીએસટી કલેક્શનનો આંકડો 98,202 કરોડ રૂપિયા જ રહ્યો હતો. જોકે, આ બંને મહીનામાં જીએસટી કલેક્શનમાં ઘટાડાનું કારણ આર્થિક મંદીને બતાવાઇ હતી.
એપ્રિલ-સપ્ટેમ્બર દરમિયાન ગ્રોસ જીએસટી કલેક્શન 6,06,278 કરોડ રૂપિયા રહ્યું. આ ગત નાણાકીય વર્ષની સમાન અવધિમાં આવેલા 5,77,980 કરોડ રૂપિયાના કલેક્શનથી વધારે છે. નાણાકીય વર્ષ 2019-20 માટે સરકારે CGSTથી 6.10 લાખ કરોડ અને કંપજેશન સેસથી 1.01 લાખ કરોડ રૂપિયા મેળવવાનો પ્રસ્તાવ રાખ્યો છે. IGSTથી 50000 કરોડ રૂપિયા હાંસલ કરવાનું લક્ષ્ય છે.
મંત્રાલલના નિવેદન મુજબ, સપ્ટેમ્બરમાં સેન્ટ્રલ GST કલેક્શન 16630 કરોડ રૂપિયા રહ્યું, જે ઓગસ્ટમાં 17,733 કરોડ રૂપિયા હતું. સપ્ટેમ્બરમાં સ્ટેટ જીએસટી કલેક્શન 22,598 કરોડ રૂપિયા રહ્યું. જે 24,239 કરોડ રૂપિયા હતું. સપ્ટેમ્બરમાં આઇજીએસટી 45069 કરોડ રૂપિયા રહ્યું.
તેમા 22097 કરોડ રૂપિયા ઇમ્પોર્ટથી કલેક્ટ થયા. ઓગસ્ટમાં ઇમ્પોર્ટથી થયેલ 24,818 કરોડ રૂપિયાના કલેક્શનની સાથે ઇન્ટિગ્રેટેડ જીએસટી કલેક્શન 48,958 કરોડ રૂપિયા રહ્યું હતું. સપ્ટેમ્બરમાં સેસ કલેક્શન 7620 કરોડ રૂપિયા રહ્યું, જેમા ઇમ્પોર્ટથી આવેલ સેસ 728 કરોડ રૂપિયા રહ્યું. જ્યારે ઓગસ્ટમાં આ આંકડો 7273 કરોડ અને 841 કરોડ રૂપિયા રહ્યું હતું.
બિઝનેસ ટુડેની એક રિપોર્ટમાં કહેવામાં આવ્યું છે કે નાણાકીય વર્ષ 2019-20માં કુલ ટેક્સ કલેક્શનમાં લગભગ 2 લાખ કરોડ રૂપિયાનો ઘટાડો આવી શકે છે.