GST કલેકશનમાં થયેલા વધારાને કારણે બીજા ઘણા બધા ફાયદાઓ જોવા મળી રહ્યા છે. જેમા ખાસ કરીને ઔદ્યોગિક કામદારો માટે મોંઘવારી ઓછી થઈ છે.
GST કલેકશન વધતા થયા અનેક ફાયદાઓ
કોર સેક્ટરમાંના ઉત્પાદનમાં થયો વધારો
ઓદ્યોગિક કામદારો માટે મોંઘવારી ઘટી
કોર સેક્ટરના ઉત્પાદનમાં 9.4 ટકાનો વધારો થયો તે મુદ્દે પણ કેન્દ્ર સરકાર દ્વારા માહિતી આપવામાં આવી છે. જ્યારે ગત વર્ષે કોર સેક્ટરનું કલેકશન 7.6 ટકા સુધી ઘટી ગયું હતું. આપને જણાવી દઈએ કે કોર સેક્ટરમાં કોલસો, કાચ્ચુ તેલ, પ્રાકૃતિક ગેસ, રિફાઈનરી ઉત્પાદન સીમેન્ટ અને વિજળીનો શમાવેશ થાય છે.
GST કલેકશન 1.12 લાખ કરોડ
ઓગસ્ટ મહિનાનું GST કલેકશન 1.12 લાખ કરોડ રૂપિયા થયું હોવાનું સામે આવ્યું છે. આ કલેકશન ગત વર્ષની સરખામણીએ 30 ટકા વધારે છે. આપને જણાવી દઈએ કે છેલ્લા બે દિવસમાં મોદી સરકાર માટે GST સહિત ચાર સારા સમચાર સામે આવ્યા છે.
ઓદ્યોગિક કામદારો માટે મોંઘવારી ઘટી
દેશમાં ઓદ્યોગિક કામદારો માટે પણ સારા સમાચાર સામે આવ્યા છે,. કારણકે ગત જુલાઈ મહિનાના રિપોર્ટ પ્રમાણે મોંઘવારી ઘટીને 5.27 ટકા સુધી પહોતી છે. જ્યારે ગત વર્ષે આ આંકડો 5.57 ટકા સુઘીનો હતો.
જુલાઈમાં પણ GST કલેકશન 1 લાખ કરોડને પાર
GST કલેકશન સતત મહિને એક લાખ કરોડ ઉપર ગયું છે. નાણા મંત્રાલય દ્વારા આ સત્તાવાર જાહેરાત કરવામાં આવી કે ગત મહિનાનું GST કલેકશન 1.12 લાખ કરોડ કરતા પણ વધારે થયું છે. જુલાઈ મહિનાનું GST કલેકશન પણ 1.16 લાખ કરોડ પહોચ્યું હતું. જોકે ગત વર્ષે ઓગસ્ટ મહિનામાં GST કલેકશન 86,449 કરોડ રૂપિયા હતું.
સપ્ટેમ્બરનું GST કલેકશન પણ વધારે આવશે
નાણા મંત્રાલયે વિગતવાર માહિતી આપતા જણાવ્યું કે ઓગસ્ટ 2019નું GST કલેકશન 98.202 કરોડ રૂપિયા હતું. જેથી 2019ની સરખામણીએ આ વર્ષે GST કલેકશન 14 ટકા જેટલું વધ્યું છે. જોકે જૂનમાં કોરોનાની બીજી લહેરને કારણે કલેકશન નીચું ગયું હતું, જોકે આ મહિનાનું કલેકશન હજું વધારે આવશે તેવી પણ માહિતી સામે આવી છે.
પહેલી ટર્મમાં GDP ગ્રોથ 20.1 ટકા
ઉલ્લેખનીય છે કે કોરોના સંકટ વચ્ચે પણ જીડીપીના ગ્રોથને લઈને પણસારા સમાચાર સામે આવ્યા છે. જેમા કેન્દ્ર સરકાર દ્વારા માહિતી આપવામાં આવી છે કે એપ્રેલ થી જૂન સુધીની ટર્મમાં જીડીપી કલેકશન 20.1 ટકા રહ્યું છે. પરિણામે આપણા દેશનું અર્થતંત્ર પણ હવે ધીમે ધીમે પાટા પર આવે તેવા સંકેતો મળી રહ્યા છે.