ટ્રાફિકના નિયમોની કડકાઈ કરતા સરકાર પબ્લીક ટ્રાન્સપોર્ટને વધુ સુવિધાજનક બનાવે તો કોઈના મેમો ફાટે જ નહીં પરંતુ જાહેર વાહનોમાં જ નિયમો તો ઠીક પણ પ્રાથમિક તકેદારી પણ રખાતી નથી. વીડિયોમાં સામે આવ્યુ છે કે, ડિઝની ટાંકીમાંથી પેટ્રોલ લીક થતુ હોવા છતાં ST અમદાવાદ આવવા રવાના થઈ ગઈ હતી.
STની વોલ્વો બસની ડિઝલની ટાંકી તૂટી
ડીઝલની ટાંકી તૂટ્યા બાદ પણ દોડી રહી છે બસ
તંત્ર ઘોર નીદ્રામાં
રાજકોટમાં ST વિભાગની ગંભીર બેદરકારી સામે આવી છે. વોલ્વોની STની ડીઝલની ટાંકી તૂટ્યા બાદ પણ બસ ચલાવવામાં આવી રહી હતી. ડીઝલ લીક થતુ હોવા છતા તંત્ર દ્વારા કોઈ પગલા લેવામાં આવ્યા નહતા. ચીક્કાર પેસેન્જરો ભરેલી બસ રાજકોટથી અમદાવાદ સુધી તુટેલી ડિઝલની ટાંકીથી સફર કરી છે.
ડ્રાઈવરનું શું કહેવુ છે
બીજી કોઈ બસ છે નહીં અને મુસાફરો આટલા બધા છે એટલે બસને અમદાવાદ સુધી લઈ જ જવી પડશે. બસ અમદાવાદ પહોંચશે પછી જ કઈ થશે. STના તમામ અધિકારીઓ દિવાળીના તહેવારમાં વ્યસ્ત છે.
મુસાફરોના જીવ સાથે તંત્ર દ્વારા રમત રમાઈ રહી છે
આ ઘટનાથી અનેક સવાલ ઉઠી રહ્યા છે. કોઈ અકસ્માત થાય તો પછી જ તંત્ર જાગશે. આ મામલે બસના ડ્રાઈવરે પ્રતિક્રિયા આપી છે કે, અન્ય બસ ન હોવાના કારણે અત્યારે કઈ પણ થઈ શકે તેમ નથી. આ બસ અમદાવાદ પહોંચશે પછી જ કઈ કરવામાં આવશે.