ગુજરાત સ્ટેટ રોડ ટ્રાન્સપોર્ટ કોર્પોરેશન અને સરકારનો હિસાબ કિતાબ ગુજરાત વિધાનસબામાં રજૂ કરવામાં આવ્યો હતો.
સરકાર ST બસને મનફાવે તેમ વાપરે છે
સરકારને ST રૂ.3646 કરોડ ચૂકવતી નથી
સરકારે 9.70 કરોડ બાકી રાખ્યા
ગુજરાત વિધાનસભામાં GSRTC ( Gujarat State Road Transport Corporation ) અને ગુજરાત સરકાર વચ્ચેના લેણા-દેણા અંગે પુછાયેલા પ્રશ્નોના જવાબમાં જે માહિતી સરકાર દ્વારા રજૂ કરવામાં આવી હતી તે ખરેખર ચોંકાવનારી હતી. સરકારે રજૂ કરેલી વિગતો મુજબ ગુજરાત સરકારને એસટી નિગમ પાસેથી કુલ 3646.92 કરોડ રૂપિયા લેવાના બાકી નીકળે છે.
શું છે હિસાબ કિતાબ
જેમાં લોનની રકમ 3455.40 કરોડ રૂપિયા છે જ્યારે 153.92 કરોડ પેસેન્જર ટેક્સના અને 37.60 કરોડ મોટર વ્હીકલ ટેક્સની રકમ બાકી છે. એસટી નિગમે પેસેન્જર ટેક્સ પેટે 1.19 કરોડ રૂપિયા ચૂકવ્યા છે.
સરકાર ST બસને મનફાવે તેમ વાપરે છે
રાજ્ય સરકાર સરકારી કાર્યક્રમોમાં પણ એસટીની બસોનો છૂટથી ઉપયોગ કરે છે. વર્ષ 2019માં ભાડે લેવાયેલી બસના ભાડા પેટે 19.69 લાખ જ્યારે વર્ષ 2020માં 11.77 લાખ મળીને કુલ 11.97 કરોડનું ભાડું સરકારે ચૂકવવાનું થતું હતું જેમાંથી વર્ષ 2019માં 12.65 લાખ અને વર્ષ 2020માં 2.14 કરોડ રૂપિયા ચૂકવવામાં આવ્યા છે. હજુ પણ 9.70 કરોડ રૂપિયા ચૂકવવાના બાકી છે.