ધોરણ 12 વિજ્ઞાન પ્રવાહનું પરિણામ સવારે 8 વાગ્યે result.gseb.org પર જાહેર કરવામાં આવ્યું હતું.
વિદ્યાર્થીઓની આતુરતાનો અંત
આજે ધો.12 વિજ્ઞાન પ્રવાહનું પરિણામ જાહેર
1.40 લાખ વિદ્યાર્થીઓને માસ પ્રમોશન અપાયું છે
પરિણામ સ્કૂલના ઈંડેક્સ નંબર-પાસવર્ડથી લોગિન કરી ડાઉનલોડ કરી શકાશે. ઉલ્લેખનીય છે કે, રાજ્ય સરકારે ધો. 12 વિજ્ઞાન પ્રવાહના 1.40 લાખ વિદ્યાર્થીઓને માસ પ્રમોશન આપ્યું છે. ધો.10ના પરિણામના 50 માર્ક્સ, ધો.11ના 25 માર્કસ ધ્યાને લેવાશે.
બોર્ડના ઈતિહાસમાં પ્રથમ વખત 100 ટકા પરિણામ
ઉલ્લેખનીય છે કે, ગુજરાત બોર્ડના ઈતિહાસમાં પ્રથમ વખત 100 ટકા પરિણામ જાહેર થયું છે. જાહેર થયેલા પરિણામ પૈકી 3245 વિદ્યાર્થીઓએ A1 ગ્રેડ આપવામાં આવ્યો છે. તો 15 હજાર 284 વિદ્યાર્થીઓએ A2 ગ્રેડ મેળવ્યો છે. A ગ્રૂપમાં 466 વિદ્યાર્થીઓએ 99 ટકાથી વધુ માર્ક્સ મેળવ્યા છે. જ્યારે B ગ્રૂપમાં 657 વિદ્યાર્થીઓએ 99 ટકાથી વધુ માર્ક મેળવ્યા છે. અમદાવાદ શહેરમાં 109 વિદ્યાર્થીઓ અને અમદાવાદ ગ્રામ્યમાં 73 વિદ્યાર્થીઓએ A1 ગ્રેડ મેળવ્યો છે.સૌથી વધુ 26831 વિદ્યાર્થીઓએ B2 ગ્રેડ મેળવ્યો છે.
ધોરણ 12ની સામયિક-એકમ કસોટીના 25 ગુણ પણ ધ્યાને લેવાશે. અસંતુષ્ટ વિદ્યાર્થીએ 15 દિવસમાં માર્કશીટ જમા કરાવવાની રહેશે. આવા વિદ્યાર્થીઓ માટે શિક્ષણ બોર્ડ દ્વારા અલગથી પરીક્ષા યોજવામાં આવશે. આ અંગેનો કાર્યક્રમ હવે પછી જાહેર કરવામાં આવશે.