આજે ધો.12 સામાન્ય પ્રવાહનું પરિણામ જાહેર થતાં વિદ્યાર્થીઓમાં ખુશીનું મોજું ફરી વળ્યું હતું. સુરત તથા રાજકોટની શાળામાં વિદ્યાર્થીનિઓ પરિણામ સારું આવતા મન મૂકીને ગરબે ઘૂમી હતી.
ધો.12 સામાન્ય પ્રવાહનું પરિણામ જાહેર
વિદ્યાર્થીઓમાં ખુશીનો માહોલ
શાળામાં ફટાકડા ફોડી ગરમે રમીને કરાઈ ઉજવણી
સુરતની આશાદીપ ગ્રુપ ઓફ સ્કૂલના 161થી વધુ વિદ્યાર્થીઓએ A1 ગ્રેડ મેળવતા શાળાના સંચાલકો સહિત વાલીઓ અને વિદ્યાર્થીઓ ખુશથી ઝૂમી ઉઠ્યા હતા અને બાળકોએ ફટાકડા ફોડી ગરબા રમીને કરી અનોખી ઉજવણી કરી હતી. તો રાજકોટની શાળામાં પણ ગરમે ઘૂમીને વિદ્યાર્થીઓનિઓએ પરિણામને આવકાર્યું હતું.
આજે ધો.12 સામાન્ય પ્રવાહનું જાહેર થયું પરિણામ
આજે ધો.12 સામાન્ય પ્રવાહનું 86.91 ટકા પરિણામ જાહેર થયુ છે જેમાં ડાંગ જિલ્લાનું સૌથી વધુ 95.41 ટકા પરિણામ અને વડોદરા જિલ્લાનું સૌથી ઓછુ 76.49 ટકા પરિણામ જાહેર થયું છે. કુલ 1 હજાર 64 શાળાઓનું 100 ટકા પરિણામ આવ્યું છે. નિયમિત વિદ્યાર્થીઓનું 84.67 ટકા પરિણામ, નિયમિત વિદ્યાર્થિનીઓનું 89.23 ટકા પરિણામ જાહેર થયુ છે.
વ્યવસાયલક્ષી પ્રવાહનું 82.07 ટકા પરિણામ અને ઉચ્ચતર ઉત્તર બુનિયાદી પ્રવાહનું 88.61 ટકા પરિણામ જાહેર થયુ છે. આ પરિણામમાં સામાન્ય પ્રવાહમાં 2 હજાર 92 વિદ્યાર્થીઓને A1 ગ્રેડ તથા 25 હજાર 215 વિદ્યાર્થીઓને A2 ગ્રેડ, 62 હજાર 734 વિદ્યાર્થીઓએ B1 ગ્રેડ પ્રાપ્ત કર્યો છે. 3 હજાર 610 વિદ્યાર્થીઓએ 99થી વધુ પર્સન્ટાઈલ પ્રાપ્ત કર્યા છે. 7 હજાર 112 વિદ્યાર્થીઓને 98થી વધુ, 14 હજાર 337 વિદ્યાર્થીઓને 96થી વધુ અને 21 હજાર 251 વિદ્યાર્થીઓએ 94થી વધુ પર્સન્ટાઈલ મેળવ્યા છે.
જિલ્લા મુજબ પરિણામની ટકાવારી
આ સાથે જિલ્લાઓની વાત કરીએ તો અમદાવાદ જિલ્લાનું 81.92 ટકા,ગાંધીનગર જિલ્લાનું 87.84 ટકા જામનગર જિલ્લાનું 89.39 ટકા ,જૂનાગઢ જિલ્લાનું 86.50 ટકા ,રાજકોટ જિલ્લાનું 88.72 ટકા,વડોદરા જિલ્લાનું 76.49 ટકા,સુરત જિલ્લાનું 87.52 ટકા અને ભાવનગર જિલ્લામાં 93.09 ટકા પરિણામ જાહેર થયુ છે...આમ ધો.12 સામાન્ય પ્રવાહનું પરિણામ એકંદરે સારુ આવતા વિદ્યાર્થીઓ તથા વાલીઓમાં ઉત્સાહનો માહોલ છે...
A1 અને A2 ગ્રેડમાં સુરત શહેરનો ડંકો વાગ્યો
આજે ધોરણ 12 સામાન્ય પ્રવાહનું પરિણામ જાહેર થયું છે, ત્યારે A1 અને A2 ગ્રેડમાં સુરત શહેરનો ડંકો વાગ્યો છે. સુરતના 643 વિદ્યાર્થીઓનું પરિણામ A1 ગ્રેડમાં આવ્યું છે, જ્યારે 4382 વિદ્યાર્થીઓનું A2 ગ્રેડમાં પરિણામ આવ્યું છે. ઉલ્લેખનીય છે કે, સુરત શહેરનું પરિણામ 87.52 ટકા નોંધાયું છે.
રાજકોટમાં દિવ્યાંગ વિદ્યાર્થીએ મેદાન માર્યું
આજે ધોરણ 12 સામાન્ય પ્રવાહનું પરિણામ જાહેર થયું છે, ત્યારે રાજકોટમાં અડગ મનના માનવીને હિમાલય પણ નડતો નથી કહેવત સાર્થક થઇ છે. શહેરના દિવ્યાંગ વિદ્યાર્થીએ મેદાન માર્યું છે. રાજકોટના સ્મિત ચાંગેલા દિવ્યાંગ છે અને તેમણે ધોરણ 12 સામાન્ય પ્રવાહના પરિણામમાં 99.97 પર્સન્ટાઈલ રેન્ક પ્રાપ્ત કર્યા છે. સ્મિતે 700 માર્ક્સમાંથી 662 માર્ક્સ મેળવ્યા છે. જે બાદ તેમણે પોતાના માતા-પિતાનો આભાર વ્યક્ત કર્યો હતો.
આ રીતે ચેક કરો રિઝલ્ટ ( How to check SSC HSC Results )
સ્ટેપ 1- પરિણામ જોવા માટે, સૌ પ્રથમ સત્તાવાર વેબસાઇટ gseb.org પર જાઓ.
સ્ટેપ 2- વેબસાઈટ પર GSEB HSC Result 2022 અથવા GSEB SSC Result 2022 લિંક પર ક્લિક કરો.
સ્ટેપ 3- પછી છ અંકનો સીટ નંબર દાખલ કરો.
સ્ટેપ 3- તે પછી Submit બટન પર ક્લિક કરો.
સ્ટેપ 4- GSEB Result 2022 સ્ક્રીન પર પ્રદર્શિત થશે.
સ્ટેપ 5- ભવિષ્યના ઉપયોગ માટે તેને ડાઉનલોડ કરો