વીડિયો / ઉત્તરપ્રદેશમાં રિપોર્ટિંગ કરનાર પત્રકારને રેલવે પોલીસે માર માર્યો, VIDEO વાઇરલ

માર માર્યા બાદ અમિત શર્માને આખી રાત પોલીસ સ્ટેશનમાં પણ બેસાડી રાખવામાં આવ્યો હતો. જોકે આ મામલે સહ પત્રકારોના ધરણા બાદ અંતે અમિતને છોડવામાં આવ્યો હતો. પત્રકારને જીઆરપી પોલીસના કર્મચારીઓ દ્વારા માર મારવાનો વીડિયો સામે આવ્યો છે. જેમા પોલીસ કર્મચારીઓ તેમને મારતા જોવા મળી રહ્યા છે. 

આ મામલે પત્રકાર અમિત શર્માએ જણાવ્યું કે, ''એ સાદા કપડામાં હતા. એક કર્મચારીએ માર્યો તો કેમેરો પડી ગયો. જ્યારે તેને ઉઠાવવા ગયો તો એમણે માર માર્યો તથા ગાળો આપી હતી. બાદમાં મને પોલીસ લોકઅપમાં બંધ કરવામાં આવ્યો. મારો ફોન છીનવી લેવામાં આવ્યો અને મારા મોઢા પર પેશાબ પણ કર્યો હતો''. પત્રકારને માર મારવાનો આ વીડિયો વાઇરલ થયો છે. 

#WATCH Shamli: GRP personnel thrash a journalist who was covering the goods train derailment near Dhimanpura tonight. He says, "They were in plain clothes. One hit my camera&it fell down. When I picked it up they hit&abused me. I was locked up, stripped&they urinated in my mouth" pic.twitter.com/nS4hiyFF1G

— ANI UP (@ANINewsUP) June 11, 2019

ઉત્તરપ્રદેશમાં પત્રકારો પર હુમલાના આ પહેલા પણ મામલા સામે આવ્યા છે. મુખ્યમંત્રી યોગી આદિત્યનાથ વિરુદ્ધ એક ટ્વિટ પોસ્ટ કરવાને કારણે પત્રકાર પ્રશાંત કનોજિયાની ધરપકડ કરી લેવામાં આવી હતી. જોકે, યોગી આદિત્યનાથની સરકારને સુપ્રીમ કોર્ટે ઝટકો આપ્યો હતો. સુપ્રીમ કોર્ટે ગેરકાનૂની ગણાવતા તત્કાલ છોડવાના આદેશ આપ્યા હતા.

પત્રકારને માર મારવાના મામલે ઉત્તરપ્રદેશના ડીજીપી ઓપી સિંહે તત્કાલ પ્રભાવથી શામલી જીઆરપી SHO રાકેશ કુમાર અને કોન્સ્ટેબલ સંજય પવારને સસ્પેન્ડ કર્યા છે. આપને જણાવીએ કે, શામલી રેલવે વિભાગની બેદરકારીથી ધીમાનપુરા રેલવે ફાટક પાસે મંગળવારે રાત્રે લગભગ સાડા આંઠ વાગ્યે માલગાડીના બે ડબ્બાઓ પાટા પરથી ઉતરી પડ્યા હતા. માલગાડીના ડબ્બા ઉતરી પડવાથી જોરદાર ધમાકો થયો હતો. જે બાદ વાહનવ્યવહારને પણ ઠપ્પ થઇ ગયો હતો. 

We have come across a video where a journalist has been beaten up & put up in a lock up. DGP UP OP Singh has ordered for immediate suspension of SHO GRP Shamli Rakesh Kumar & Const. Sanjay Pawar.
Strict punishment shall be accorded to policemen misbehaving with citizens.

— UP POLICE (@Uppolice) June 12, 2019