મુંબઇ / એક વર્ષથી સોનું સમજીને લૂંટી રહ્યો હતો, હકીકત સામે આવી તો ચોરને પણ ચક્કર આવી ગયા

• જીઆરપીએ મુંબઇના ઠાકુરલી રહેવાસી એક વ્યક્તિની ધરપકડ કરી 
• આરોપી વ્યક્તિ લૂંટેલા ઘરેણા એક વર્ષથી ઘરમાં રાખતો હતો

પોલીસે જણાવ્યું કે ગત એક વર્ષથી બાજીરાવ કાટકર (42) નામની વ્યક્તિ રેલવે સ્ટેશનની આસ-પાસ ફરીને મહિલા યાત્રાળુને ટારગેટ કરતો હતો. બાજીરાવ ખાસ કરીને સેન્ટ્રલ લાઇન પર ચાલનારી લોકલ ટ્રેનોમાં પોતાનો શિકાર કરતો હતો. 

ડોંબિવલી પોલીસ સ્ટેશનના જીઆરપી અધિકારીઓએ જણાવ્યું કે બાજીરાવના આ કામમાં કાર્લેકર (52) નામનો એક વ્યક્તિ પણ સાથે હતો જે ગિરગૌમમાં રહેતો હતો. ચોરીનો સામાન કાર્લેકરના ઘરમાં રાખતો હતો. 

ડોંબિવલી જીઆરપીના વરિષ્ઠ પોલીસ અધિકારી સતીશ પવારે જણાવ્યું, અમને 4 બ્રેસલેટ, 17 મંગળસૂત્ર અને 2 નેકલેસ મળ્યા. આ તમામ નકલી જ્વેલરી છે. બંનેને રેલવે સ્ટેશન પર લાગેલા સીસીટીવી કેમેરાની મદદથી પકડવામાં આવ્યા. બાજીરાવ લેપટોપ રાખતા પુરુષોને પણ નિશાન બનાવતો હતો. જીઆરપીને બંને પાસેથી 1.50 લાખ રૂપિયાની કિંમતથી વધારે ના લેપટોપ પણ મળી આવ્યા છે.