VIDEO / ફળની ટોકરીઓ જોતા જ તૂટી પડ્યું વાનરોનું ટોળુ, વીડિયો જોઈ લોકોએ ખૂબ મજા લીધી

• સોશિયલ મીડિયાના વાયરલ વીડિયો
• વાનરોનું ટોળુ ફળ પર તૂટી પડ્યૂ
• લોકોને ખૂબ પસંદ આવી રહ્યો છે આ વીડિયો

આમ જોવા જઈએ તો, સોશિયલ મીડિયા પર પ્રાણીઓના વીડિયો દરરોજ વાયરલ થતાં હોય છે. પણ ઘણી વાર અમુક વીડિયોમાં એટલા ખાસ હોય છે, કે લોકોમાં ફટાફટ પોપ્યુલર થઈ જતાં હોય છે. તાજેતરમાં જ આવો એક વીડિયો સોશિયલ મીડિયા પર વાયરલ થઈ રહ્યો છે. જે લોકોને ખૂબ પસંદ આવી રહ્યો છે. આ ક્રમમાં વાનરનું એક ઝૂંડ વીડિયોમાં દેખાઈ રહ્યું છે. જેમાં ફળની ટોકરીઓ ભરેલી છે, જેના પર આ વાનરનું ટોળુ તૂટી પડે છે. વાનર આવીને ટોકરીમાંથી ફળ ઉઠાવીને ભાગે છે અને દૂર જઈ આ ફળનો સ્વાદ માણવા લાગે છે. આ વીડિયો નવન સેવાના અધિકારી સુશાંત નંદાએ ટ્વિટર પર શેર કર્યો છે. 

શેર કર્યા બાદ અત્યાર સુધીમાં આ વીડિયોને 29.5 k થી પણ વધારે વ્યૂઝ મળી ચુક્યા છે. જેમાં લોકો પોતાની પ્રતિક્રિયા આપી રહ્યા છે. એક યુઝર્સે કમેન્ટ કરીને લખ્યું છે કે, દુનિયામાં પરોપકારથી મોટો બીજો કોઈ ધર્મ નથી. તો વળી અન્ય એક યુઝર્સે લખ્યું છે, આ બધા લોકો માણસોથી પણ વધારે સમજદાર છે. દરેક વાનર એક એક ફળ લઈ રહ્યું છે. 

How not to feed the wild & spoil them for ever pic.twitter.com/HPSVF6mGcS

— Susanta Nanda IFS (@susantananda3) May 27, 2022

વાયરલ થઈ રહેલા આ વીડિયોમાં જોઈ શકાય છે કે, કોઈ રસ્તા પર વચ્ચોવચ પ્લાસ્ટિકની ટોકરીઓમાં ફળ રાખેલા છે. ફળ ભરેલી ટોકરીઓ જેવી વાનર જુએ છે, કે આવીને તૂટી પડે છએ. અસંખ્ય વાનરો ફળ લેવા માટે પડાપડી કરી રહ્યા છે. કોઈ વાનર ફળ લઈને ભાગવા લાગે છે, તો વળી કોઈ પોતાના મોંમાં ફસાવીને લઈ જાય છે. વાનરોનો આ વીડિયો લોકોને ખૂબ પસંદ આવી રહ્યો છે.