વલસાડ: શહેરના શેઠિયાનગરમાં જૂની અદાવતને લઇને કેટલાક લોકો વચ્ચે બોલાચાલી થઇ હતી. આ બોલાચાલી દરમિયાન તંગદિલી થતાં સામ સામે તલવાર સહિતના હથિયારોથી હુમલો કરી દીધો હતો. જેમાં એક પોલીસકર્મી સહિત 3 લોકોને ઇજા પહોંચી હતી. શેઠિયા નગરમાં કેટલાક લોકો વચ્ચે પૈસાની લેતીદેતીને લઇને અદાવત હતી. જો કે પરિસ્થિતિ વધુ ન વણસે તે માટે પોલીસે બંદોબસ્ત ગોઠવી મામલો થાળે પાડયો હતો.
આ બનાવની મળતી વિગત પ્રમાણે શેઠિયા નગર વિસ્તારમાં કેટલાક લોકો વચ્ચે કેટલાક સમયથી પૈસાની લેતી દેતીને લઈ અદાવત ચાલી આવતી હતી. એ અદાવતને લઈ 2 થી 3 શખ્સો તલવાર સહિતના ઘાતક હથિયાર ઘટનાની જાણ થતા પોલીસ કાફલો સ્થળ પર પહોંચ્યો હતો.
એ વખતે જ સામે પક્ષથી ટોળું સ્થળપર એકઠું થઈ જતા મામલો બીચકયો હતો ને બબાલ થઈ હતી. આ બબાલમાં તલવારો પણ ઉછળતા ચકચાર મચી ગઇ હતી. તલવાર જેવા ઘાતક હથિયારથી હુમલો થતાં એક વ્યક્તિને ઇજા થઇ હતી તો બબાલમાં બચાવ માટે વચ્ચે પડેલા એક પોલીસકર્મીને પણ ઇજા થતાં સારવાર માટે હોસ્પિટલ મોકલવામાં આવ્યા હતા. જો કે પોલીસે દરમ્યાનગીરી કરી મામલો થાળે પાડ્યો હતો અને આગળની કાર્યવાહી કરી હતી.