ગાંધીનગરના માણસાના ઇટાદરા ગામે બે જુથ વચ્ચે અથડામણ થતાં માહોલ તંગદિલી ભર્યો બન્યો છે. યુવતીની છેડતી બાબતે થયેલી બબાલે ઉગ્ર રૂપ ધારણ કરતાં મામલો બીચક્યો હતો અને બે જુથ સામે સામે આવી ગયા હતા.
ટોળાઓ મંદિર પર હુમલો કરવામાં આવ્યો
ગાંધીનગરના માણસાના ઇટાદરા ગામે થયેલી આ બબાલમાં ટોળા દ્વારા મંદિર પર હુમલો કરવામાં આવ્યો હોય તેવી પ્રાથમિક માહિતી મળી રહી છે. ઘટનાની જાણ પોલીસને કરવામાં આવતા મોટી સંખ્યામાં પોલીસ કાફલો ઘટના સ્થળે પહોંચી ગયો હતો.
મહત્વનું છે કે યુવતીની છેડતી બાબતે બે જુથ આમને સામને આવી ગયા હતા વાહનોમાં તોડફોડ અને આગચંપી પણ કરવામા આવી હતી. પોલીસને જાણ કરવામાં આવતા તાત્કાલિક એસપીને સૂચના આપી હતી. સમગ્ર સ્થિતિને હાલ કાબૂમાં લેવામાં આવી છે. સમગ્ર ઘટનામાં વધુ લાંબુ નુકસાન ન થાય તે માટે ઈટાદરા ગામને પોલીસનો ચુસ્ત બંદોબસ્ત ગોઠવી દેવામાં આવ્યો છે. પોલીસે ફરિયાદ નોંધી આગળની કાર્યવાહી હાથ ધરી છે.