કાલથી મગફળીનું રજિસ્ટ્રેશન તો શરૂ થઈ જશે પણ કામ અટકી જઈ શકે છે. કારણ કે આવતી કાલથી જ ગુજરાત રાજ્ય ગ્રામ્ય પંચાયત કમ્પ્યુટર સાહસિક (ઓપરેટર) મંડળ દ્વારા વિરોધ કરીને રજીસ્ટેરશનનું કામ અટકાવી દેવામાં આવ્યું છે.
ગ્રામ પંચાયતમાં કામ કરતા કોમ્પ્યુટર ઓપરેટરનુ કામ અળગા રહેવાનુ એલાન
ટેકાના ભાવથી મગફળી ખરીદી શરૂ થવાના આરે જ હડતાળ પર
આવતીકાલથી શરૂ થશે મગફળી રજીટ્રેશનનુ
ગ્રામપંચાયતમાં કોમ્પ્યુટર ઓપરેટર તરીકે કામ કરતા 13000 જેટલા VCE દ્વારા આવતી કાલે કામથી અળગા રહેવાનું એલાન કરવામાં આવ્યું છે. આવતીકાલથી જ મગફળીનું ટેકાના ભાવથી રજિસ્ટ્રેશન શરૂ થવાનું છે.
ઓપરેટરની હડતાળને લઇ ખેડુતોમાં ચિંતા
1 ઓક્ટોબરે મગફળીનું રજિસ્ટ્રેશન થનાર છે ત્યારે પંચાયતમાં કોમ્પ્યુટર ઓપરેટર તરીકે હાજર રહેનારા VCE આવતી કાલથી પોતાની માંગણીઓને લઈને હડતાલ પર ઉતરી વિરોધ પ્રદર્શિત કરી રહ્યા છે. આ કામમાં ગુજરાતમાંથી 13000 જેટલા લોકો જોડાએલા છે. VCE ગ્રામ પંચાયતમા પગાર વગર કામ કરે છે. તેમને રજીસ્ટ્રેશન દીઠ કમિશન મળતુ હોય છે. ઓપરેટરની હડતાળને લઇ ખેડુતોમાં ચિંતા જોવા મળી રહી છે.
શું છે મામલો?
VCE ( Village Computer Interpreter ) તરીકે કામ કરતા ખેડૂતો અથવા તો ગામના જ ખેડૂતો બીજા લોકોને ઓનલાઈન રજિસ્ટ્રેશન અને ફોર્મ ભરવામાં પંચાયતની કચેરી એ મદદ કરી છે. જેમની કેટલીક માંગો છે અને તેમને ફોર્મ દીઠ મળતું કમિશન સરકાર તરફથી ન મળતા સરકાર સામે જંગે ચઢ્યા છે. ગઈસાલ મગફળીનું રજિસ્ટ્રેશનનું મહેનતાણું હજુ સુધી મળ્યું નથી.
શું છે માંગણી?
- કોરોના વાયરસ સામે સેફ્ટી વીમાકવચ
- છેલ્લા 2006થી કમિશન બેઝ પર કામ કરનારને ફિકસ પગાર
- બાકી મહેનતાણું મળી જાય
મંત્રી જયેશ રાદડિયા કહે છે વાટાઘાટો ચાલુ
આ વિવાદ અંગે સરકારના મંત્રી જયેશ રાદડિયાએ જણાવ્યું હતુ કે, અમારા આ મુદ્દે નિરાકરણ લાવવા માટે વાટાઘાટો ચાલુ છે. આ અંગે VCE સાથે વાટાઘાટો ચાલુ છે. હજુ સુધી વૈકલ્પિક વ્યવસ્થા કરી નથી. પરંતુ આવતી કાલથી મગફળી રજિસ્ટ્રેશનની પ્રક્રિયા જરૂરથી શરૂ થઈ જશે. અમે આ સમસ્યાનું સમાધાન શોધી લઈશું
2006થી કામ કરીએ છીએ તો અમને કમિશનને બદલે ફિક્સ પગાર કરી આપે
ગુજરાત રાજ્ય ગ્રામ્ય પંચાયત કમ્પ્યુટર સાહસિક (ઓપરેટર) મંડળના ગુજરાત મહામંત્રી પટેલ કિરીટભાઈ બાબુભાઈએ VTVGujarati ને જણાવ્યું હતુ કે, હાલ કોરોનાની મહામારી ચાલી રહી છે ત્યારે અમારી માંગણીઓ સાવ સામાન્ય છે જેમાં કોરોના કવચ, અગાઉનું મહેનતાણાની ચુકવણી અને અમે 2006થી કામ કરીએ છીએ તો અમને કમિશનને બદલે ફિક્સ પગાર કરી આપે.
અમે કોરોના કવચની માંગ કરી રહ્યા છીએ
પંકજભાઈ પરમાર ગુજરાત રાજ્ય ગ્રામ્ય પંચાયત કમ્પ્યુટર સાહસિક (ઓપરેટર) મંડળના ઉપપ્રમુખે જણાવ્યું હતું 13000 લોકો અમારી સાથે જોડાએલા છે. અમે કોરોના કવચની માંગ કરી રહ્યા છીએ જે પૂરી થવી જોઈએ. એવું અમારૂં માનવું છે. સરકાર તરફથી કોઈ સકારાત્મક પગલા લેવાશે તો અમે જરૂરથી સહકાર આપીશું.
આ અંગે અમે ગાંધીનગર ખાતે વિકાસ કમિશનર, પંચાયત મંત્રી, મુખ્યમત્રીને 26 તારીખે લેટર લખીને અમારી વ્યથા જણાવી છે.