રાજકોટ: બહુચર્ચિત મગફળી કૌંભાડમાં સંડોવાયેલા આરોપી મગન ઝાલાવડીયાના ઘરે દરોડા પાડવામાં આવ્યા છે. દરોડા પાડતાં પોલીસને કિંમતી સામાન મળી આવ્યો છે.
રાજકોટમાં મગન ઝાલાવડીયાના ઘરે થયેલ ચેકિંગ મામલે પોલીસને મહત્વના દસ્તાવેજ હાથ લાગ્યા છે. રોડા દરમિયાન ૧૪૭ ગ્રામ સોનુ અને ૩૦૦ ગ્રામ ચાંદી મળી આવ્યું. ઉપરાંત બે હાર્ડ ડિસ્ક અને ૩૧ હજાર રોકડ મળી આવ્યા. સાથે મગન ઝાલાવડીયાની હોટલ અને હોસ્પિટલ પર પણ દરોડા પાડવામાં આવ્યા છે. સર્ચ ઓપરેશનમાં કોઈ બેનામી સંપત્તિ મળશે તો તેના વિરુદ્ધ પણ ગુનો નોંધાશે.
ઉલ્લેખનીય છે કે માટી મિક્સ કરી મગફળીની ચોરી કરવામાં આવી હતી. અને ચોરાયેલી મગફળીની 6700 ગુણી વેચવામાં આવી હતી. મગફળીની ગુણી કેશોદના મેશવાણની ક્રાંતિ ઓઈલ મિલમાં વેચવામાં આવી હતી. જેમાં મોડી રાત સુધી મગન ઝાલાવડીયાના ઘરે ચેકિંગ ચાલ્યું હતું અને પોલીસ દ્વારા મહત્વના દસ્તાવેજ કબ્જે કરાયા હતા