દુલ્હન સજી ધજી જયમાળા સાથે રાહ જોતી રહી ગઈ. જાનૈયાઓએ દુલ્હન પર ભૂપ બાધા હોવાનો આરોપ લગાવી લગ્નથી ઈનકાર કરી દીધો.
દુલ્હન સજી ધજી જયમાળા સાથે રાહ જોતી રહી ગઈ
જાનૈયાઓએ દુલ્હન પર ભૂત બાધા હોવાનો આરોપ
વધુપક્ષે દહેજની માંગ પુરી ન થવા પર જાન પરત લઈ જવાનો આરોપ
ઉત્તર પ્રદેશના કન્નૌરમાં સિકંદરપુરના જગતપુર ગામમાં બુધવાર રાતે હડકંપ મચી ગયો હતો. જ્યારે દુલ્હો જાનૈયાઓ સહિત ભાગી ગયો. દુલ્હન સજી ધજી જયમાળા સાથે રાહ જોતી રહી ગઈ. જાનૈયાઓએ દુલ્હન પર ભૂત બાધા હોવાનો આરોપ લગાવી લગ્નથી ઈનકાર કરી દીધો. ત્યાં જ વધુપક્ષે દહેજની માંગ પુરી ન થવા પર જાન પરત લઈ જવાનો આરોપ લગાવ્યો છે. દુલ્હનના પિતાએ પોલીસ ફરીયાદ કરી છે.
દુલ્હનને અચાનક આ કારણે આવી ગયા ચક્કર
મૈનપુરીના નવીગંજથી દેવેન્દ્ર પૂત્ર ધર્મ સિંહ કઠેરિયા જગતપુર ગામમાં બુધવારે રાત્રે જાન લઈને આવ્યા હતા. દુલ્હન શિવાનીના ઘરમાં ખુશીનું વાતાવરણ હતું. ભીષણ ગરમી અને ડીહાઈડ્રેશનના કારણે દુલ્હનને અચાનક ચક્કર આવી ગયા અને તે ચક્ક ખાઈને પડી ગઈ. એ નજારો જોઈને દુલ્હાના બહેનોઈ લાલૂ ભડકી ઉઠ્યા હતા. તેમણે કહ્યું કે બિમાર યુવતી સાથે લગ્ન કરાવવામાં આવી રહ્યા છે. તેમને પહેલા જ ખબર હતી કે યુવતી પર ભૂત બાધા છે. તક જોઈને દૂલ્હો અને જાનૈયાઓ ત્યાથી ભાગી ગયા. સૂચના જ્યારે શિવાનીના પરિવારને મળી તો તેમણે 112 નંબર પર પોલીસ ફરીયાદ કરી.
દુલ્હનના પરિવારે લગાવ્યો દહેજનો આરોપ
શિવાનીના પિતા ગિરીશચંદ કઠેરિયાનું કહેવું છે કે દહેજની વધારે માંગ પુરી ન કરવાના કારણે જાન પરત ફરી ગઈ. તેમણે દિકરીને દહેજમાં ટીવી, ફ્રિઝ, કૂલર, તીજોરી, બાઈક, બેડ વગેરે સામાનની વ્યવસ્થા કરી હતી. પરંતુ લગ્નના દિવસે જ દુલ્હાના પરિવારે વધુ 50 હજાર રૂપિયાની માંગ કરી. માંગ પૂરી ન થવા પર જાન પરત લઈ ગયા.