અઢી ફૂટ ઉંચાઈ ધરાવતી તહસીન બનેલી દુલ્હનને પોતાનો દુલ્હો મળી ગયો છે. તેના નિકાહ સાડા ત્રણ ફૂટ ઉંચા દુલ્હા સાથે થયા છે.
અઢી ફૂટ ઉંચી દુલ્હન અને સાડાત્રણ ફૂટ ઉંચો દુલ્હો
અનોખા લગ્ન જોવા ભેગુ થયું આખુ ગામ
જાણો ક્યાનો છે આ કિસ્સો
કહેવાય છે કે જોડીઓ ઉપરથી જ બનીને આવે છે. ઘણી વખત આપણે આસ પાસના લોકો પાસેથી સાંભળીએ છીએ કે લગ્ન માટે યુવતી કે યુવકને જોવા જઈ રહ્યા છે. પરંતુ તેમનો સબંધ પાક્કો ત્યાં જ થાય છે જ્યાં લખેલું હોય છે. રામપુરના શાહબાદમાં અઢી ફૂટની તહસીન બનેલી દુલ્હનને પોતાનો જીવન સાથી મળી ગયો. તેના નિકાહ સાડા ત્રણ ફૂટના દુલ્હાની સાથે થયા. આ અનોખા લગ્નનો જોવા માટે મોટી સંખ્યામાં લોકો પહોંચ્યા. તેમણે બન્નેને આશીર્વાદ આપ્યા સાથે જ સુખી જીવનની કામના કરી.
લાંબા સમયથી ન હતો મળી રહ્યો દુલ્હો
શાહબાજ વિસ્તારના ફર્રાશાન નિવાસી નબીલ ખાંની દિકરી તહસીનની હાઈટ ખૂબ જ ઓછી છે. તેની હાઈટ લગભગ અઢી ફૂટ છે. 29 વર્ષીય તહસીનના આ કારણે લગ્ન ન હતા થઈ રહ્યા. દુલ્હો શોધી શોધીને નિરાશ થઈ ચુકેલા પરિવારે તેમના લગ્નની આશા જ છોડી દીધી હતી પરંતુ તેને પોતાનો પર્ફેક્ટ લાઈફ પાર્ટનર મળ્યો.
થોડા મહિના પહેલા જ લગ્ન નક્કી થયા
થોડા મહિનાઓ પહેલા સંભલ જિલ્લાથી તહસીન માટે સંબંધ માટે વાત આવી. દુલ્હાની હાઈટ પણ તહસીન માટે યોગ્ય હતી. જ્યાર બાદ પરિવારની શોધનો અંત આવ્યો. પરિવાર અનુસાર, દુલ્હાની હાઈટ સાડા ત્રણ ફૂટ છે અને તે પણ લાંબા સમયથી દુલ્હાની તલાશમાં હતા. બન્ને પક્ષોની વચ્ચે સહમતિ બની ગઈ અને લગ્ન નક્કી કરવામાં આવ્યા. બન્નેના નિકાહ પઠવામાં આવ્યા.