વરરાજાના અઠવાડિયા પહેલા જ લગ્ન હતા, લગ્નને લઇને પૈસાનો બંદોબસ્ત એવી રીતે કર્યો કે પોલીસે વરરાજાને જેલભેગો કર્યો
લગ્નના અઠવાડિયા અગાઉ વરરાજા જેલભેગો
ગાંજાની તસ્કરીના આરોપમાં પકડાયો વરરાજા
મધ્યપ્રદેશના સિંગરૌલીની ઘટના
ઘરમાં લગ્નની તૈયારીઓ જોરશોરથી ચાલી રહી હતી. શરણાઇ વાગવાને થોડા દિવસો જ બાકી હતા અને એવામાં પોલીસ આવીને વરરાજાને પકડી ગઇ. સાંભળીને એમ થાય કે એવુ તો શું કર્યુ હશે વરરાજાએ. તો તમને જણાવી દઇએ કે ગાંજાની તસ્કરીના આરોપમાં વરરાજાની ધરપકડ કરવામાં આવી. છત્તીસગઢની બોર્ડ પર બનેલી આ ઘટનામાં 2 ગાંજા તસ્કરોઝડપાયા જેઓના 4 રાજ્યો સાથે સંપર્ક હતા.
પૌઆની બોરીમાં લાવતા હતા ગાંજો
આ શખ્સો પૌઆની બોરીમાં ગાંજાની તસ્કરી કરતા હતા. પોલીસે 5 ક્વિન્ટલ ગાંજો ઝડપી પાડ્યો છે. જેની કિંમત આશરે દોઢ કરોડ હોવાનો અંદાજ છે. આરોપીઓ વિરુદ્ધ એનડીપીએસ એક્ટ હેઠળ કાર્યવાહી કરીને ટ્રક સહિત મુદ્દામાલ કબ્જે કર્યો છે.
અઠવાડિયા પછી તો લગ્ન હતા
સિંગરૌલીના એએસપીએ ખુલાસો કરતા જણાવ્યુ કે આરોપી અમિત કુમાર પટેલ ઉર્ફે ગોલુ સમયલાલ પટેલ લાલપુર પોલીસ સ્ટેશનનો રહેવાસી છે. તેની અમરપાટન જિલ્લા સતનામાં આગામી અઠવાડિયામાં લગ્ન હતા. લગ્ન પહેલા તેણે પૈસાનો બંદોબસ્ત કરવા માટે ટ્રક ચાલકને ગાંજો પહોંચાડવા માટે કામે લગાડ્યો હતો. ગોલૂની સાછે અન્ય એક શખ્સ પણ ઝડપાયો છે
આવી રીતે કરતા હતા તસ્કરી
ઓડિશાના બલંગીરથી ટ્રકમાં કુલ 136 પૌઆના કોથળા વચ્ચે છુપાવીને 24 બોરી ગાંજો લાવવામાં આવી રહ્યો હતો. પરંતુ પોલીસને આ લોકોની મોડસઓપરેન્ડી વિશે બાતમી મળતા કોતવાલી પોલીસે તેઓના મનસૂબા પર પાણી ફેરવી દીધુ. પોલીસે બંને આરોપીને પકડીને જેલભેગા કરી દીધા.મહત્વનુ છે કે આ બંને લોકો બલંગીરથી છત્તીસગઢ થઇને અંબિકાપુર અને ત્યાંથી સિંગરૌલી જઇ રહ્યા હતા,. ત્યાં નાના વેપારીઓને ગાંજાનો જથ્થો પહોંચાડવાના હતા અને તે પછી તેઓ રીવા અને અલ્હાબાદ જવાના હતા..જો કે મુખ્ય સૂત્રધાર હજુ ફરાર છે. તેની શોધ ચાલુ છે.
મુખ્ય સૂત્રધાર ફરાર
એવું કહેવામાં આવી રહ્યું છે કે ગાંજા તસ્કરી ગેંગનો મુખ્ય સૂત્રધાર નૃપેન્દ્ર સિંહના પિતા બબલુ સિંહ છે, જે રેવાન જિલ્લાના ગામ ખૈરા પોલીસ સ્ટેશન ચોરહાટાનો રહેવાસી છે. તેને શોધવા માટે સ્થાનિક પોલીસે તેના ઘરે દરોડો પાડ્યો હતો. પરંતુ પોલીસ આવતાની સાથે જ તે ભાગી ગયો હતો. પોલીસ આરોપી મુખ્ય સાગરીતને શોધવા તપાસના ચક્રોગતિમાન કર્યા છે.