સુરતના પાસોદરામાં ગ્રીષ્મા વેકરિયાની હત્યાનો મામલે પોલીસે 7 દિવસમાં 2500 પાનાની ચાર્જશીટ ફાઇલ કરી દીધી છે. આરોપી ફેનીલ ગોયાલી વિરુદ્વ કડક કાર્યવાહીની માંગ સાથે પરિવારને ઝડપી ન્યાય મળે તે માટે પોલીસે કટીબદ્ધતા દર્શાવી છે. ત્યારે કોર્ટમાં આવતીકાલે કેસની સુનાવણી શરૂ થશે જેમાં 190 જેટલા સાક્ષીઓની જુબાની લેવામાં આવશે.ગઈકાલે હત્યારા ફેનીલને કઠોર કોર્ટમાં હાજર કરાયો હતો પણ કેસ ફાસ્ટટ્રેક કોર્ટમાં ચાલવાનો હોવાથી સુરત કોર્ટમાં આગળની સુનાવણી હાથ ધરવામાં આવશે
હત્યારો ફેનિલ હાલ જ્યુડિશિયલ કસ્ટડી
સુરતના કામરેજમાં ગ્રીષ્માની હત્યા કરનાર આરોપી ફેનિલના 3 દિવસના રિમાન્ડ પૂર્ણ થયા છે.ત્યારે આરોપી ફેનિલને કોર્ટે જ્યુડિશિયલ કસ્ટડીમાં મોકલ્યો છે.પોલીસે રિમાન્ડની માગણી ન કરતા કોર્ટે આરોપી ફેનિલને જ્યુડિશિયલ કોર્ટમાં મોકલવાનો નિર્ણય કર્યો હતો.હાલ આરોપી ફેનિલને જ્યુડિશિયલ કસ્ટડીમાં લાજપોર જેલમાં ખસેડવામાં આવ્યો છે
SIT કરી રહી છે સપૂર્ણ કેસની તપાસ
સુરતમાં ગ્રીષ્મા વેકરિયાની હત્યા કેસમાં સરકારના આદેશ બાદ SITની રચના કરવામાં આવી છે. રેન્જ IG દ્વારા તપાસ માટે સ્પેશિયલ SITની રચના કરાઇ છે. SITમાં કુલ 10 અધિકારીઓની ટીમ બનાવવામાં આવી છે.જેમાં ડાંગ SPના સુપરવિઝન હેઠળ 1 મહિલા ASP અને 2 DySP તપાસ કરાશે.1 SP, 1 ASP, 2 DySP, 5 PI અને એક PSI દ્વારા તપાસ શરૂ કરાઇ હતી. પોલીસ દ્વારા ગણતરીના દિવસોમાં તપાસ પૂર્ણ કરી કોર્ટમાં 2500 પાનાની ચાર્જશીટ રજૂ કરી દેવામાં આવી હતી. આ કેસમાં FSLની મદદ પણ લેવામાં આવી હતી. મહત્વનું છે કે, એક તરફી પ્રેમમાં પાગલ ફેનિલે ગ્રીષ્માનું જાહેરમાં તેની માતા અને ભાઈ સામે જ ગળુકાપી હત્યા કરી હતી.
હત્યા બાદ તપાસમાં શું શું થયું?
સુરત જિલ્લાના પાસોદરા પાટીયા પાસે 21 વર્ષની યુવતીની ઘાતકી હત્યા કરનાર આરોપીનું ઘટના ના દિવસે શુ આખી ઘટના બની હતી તેને લઈને આરોપી ફેનીલ ને સાથે રાખી ઘટનાનું રિકન્ટ્રકશન કરવામાં આવ્યું હતું. જિલ્લા પોલીસ દ્વારા SIT ની જે રચના કરવામાં તે ટિમ સાથે અલગ અલગ જગ્યા પર લઈ જઈ ને તપાસ કરવામાં આવી હતી. જોકે આરોપી ફેનીલ ગોયાણી બનાવમા દિવસે કયાં કયાં ફર્યો હતો અને કયાંથી છરી કયાંથી ખરીદવામાં આવી અને હત્યાના સ્થળ પર પણ આરોપીને લઈ જવામાં આવ્યોહતો.પહેલા કાપોદ્રા વિસ્તારમાં તેના મિત્ર એક કાફેમાં ગયો હતો અને મિત્ર સાથે અમરોલી વિસ્તારમાં ગયો હતો ત્યારે બાદ કોલેજમાં અને ઘટના સ્થળે આવ્યો હતો.
ગ્રીષ્માની સરાજાહેર ઘાતકી હત્યા બાદ આરોપી ફેનીલે પોતે પણ જ્યાં સુધી ગ્રીષ્માનું મોત થયું ત્યાં સુધી તેની ઉપર જ ઊભો રહ્યો હતો અને બાદમાં ખિસ્સા માંથી માવો કાઠી ને ખાધો હતો બાદમાં પરિવાર પાછળ દોડ્યો હતો અને હાથમાં ચપ્પુ માર્યું હતું બાદમાં પોલીસ આવતા તેને પકડી પાડ્યો હતો આરોપીને સુરત જિલ્લા કઠોર કોર્ટમાં રજુ કરી 19મી તારીખ સુધીના રીમાન્ડ મેળવ્યા હતા. બાદમાં હત્યાનીની ઘટનાનું રીકન્ટ્ર્કશન કરવાામા આવ્યું સુરત જિલ્લા DYSP બી કે વનાર ના નેજા હેઠળ આખી ટિમ દ્વારા એક ઓછી એક સ્થળ પર વિટીઝ કરી હતી અને તમામ ઘટના નું પંચનામું કરવામાં આવ્યું હતું.સુરત પોલીસે 2500 પાનાની ચાર્જશીટ ફાઇલ કરી હતી. જે બાદ હવે સુરત કોર્ટમાં વધુ સુનાવણી હાથ ધરાશે