સુરત / ગ્રીષ્મા મર્ડર કેસ: આજે દોષિત હત્યારા ફેનિલની સજાનું ફરમાન થશે જાહેર, પરિવારને બનાવના 69 દિવસમાં મળશે ન્યાય

• ક્રુર હત્યાની સજા 
• આજીવન કેદ કે મૃત્યુદંડ?
• "મર્દાનગીના નામે મનુષ્યવધ"

સુરતમાં ગ્રીષ્મા હત્યા કેસના મામલે આજે દોષિત ફેનીલને કોર્ટ સજા સંભવાળશે. સેશન્સ કોર્ટ દ્વારા ગઈકાલે ફેનિલને દોષિત ઠેરવવામાં આવ્યો હતો. જેથી આજે કોર્ટ દ્વારા તેને સજા સંભળાવવામાં આવશે. સવારે 11 કલાકથી કોર્ટની કાર્યવાહી શરૂ થશે. આ કેસમાં ફરિયાદી પક્ષ તરફથી દોષિત ફેનિલ માટે ફાંસીની માગ કરાય તેવી શક્યતા છે. જેથી આ કેસની સુનાવણી કોર્ટમાં ડે-ટુ-ડે થઈ હતી. જેમાં 188 દસ્તાવેજી પુરાવા રજૂ કરાયા હતા. આ કેસની તપાસમાં 2500 પાનાની ચાર્જશીટ દાખલ કરાઈ હતી. પોલીસે માત્ર 7 દિવસમાં આ ચાર્જશીટ ફાઈલ કરી દીધી હતી. દોષિત હત્યારાને ફાંસીની સજા થાય અને સંપૂર્ણ ન્યાય મળે તેવી ગ્રીષ્માના પરિવારની માગ છે.બીજી તરફ હત્યારો ફેનિલ કોર્ટના એકપણ સવાલનો જવાબ ન આપી શક્યો.

ન્યાય માટે હચમચાવતો વીડિયો 35 વાર કોર્ટે જોયો
સુરત ગ્રીષ્મા વેકરિયા હત્યા કેસમાં ગુરુવારે હત્યારા ફેનિલને કોર્ટે દોષિત જાહેર કર્યો છે. કારણ કે, આ હત્યાકેસમાં કુદરત યોગ્ય ઈન્સાફ ઈચ્છતી હોય એમ અનાયાસે ઉતરેલો વીડિયો આજે ન્યાયની દીશામાં મહત્વનો પુરાવો બની ગયો.આ કેસમાં કોર્ટે પણ ન્યાય માટે હચમચાવતા આ વીડિયોને 35 વાર જોયો.આ કેસના તમામ ઇલેક્ટ્રોનિક પુરાવા સત્ય પુરવાર થયાં છે. અને આ સત્ય પુરાવાઓના આધારે જ કોર્ટે ફેનિલને દોષિત જાહેર કર્યો છે.

69 દિવસમાં ફેનિલને દોષિત જાહેર કર્યો
મહત્વનું છે કે, આ કેસમાં કોર્ટે ફેનિલને સજા સંભળાવતા કહ્યું કે, નિઃસહાય હથિયાર વગરની યુવતીનો મર્દાનગી બતાવી મનુષ્યવધ કર્યો છે. કોર્ટે કહ્યું હતું કે જો તમે હથિયારથી યુવતીનો વધ કરો તો કોર્ટ કલમથી તમારો વધ કેમ ન કરે? કોર્ટે આગળ કહ્યું હતું કે સજા પહેલાં કોર્ટ સમક્ષ અંતિમ વખત તમે તમારી વાત મૂકી શકો છો. વારંવાર કોર્ટે ફેરવીને કહ્યું કે તમારે અંતિમ કંઈ કહેવું હોય તો કહી શકો છો.કોર્ટે એવું પણ પુછ્યું કે, તમને મૃત્યુદંડ કેમ ન આપવો? પરંતુ કોર્ટે પૂછેલા પ્રશ્નોના એકપણ વખત ફેનિલે જવાબ ન આપ્યો.અને સેશન્સ કોર્ટ તેને દોષિત જાહેર કર્યો.પરંતુ હજુ સજા શુક્રવારે સંભળાવાશે.ત્યારે વીટીવી ન્યૂઝ સાથે વાત કરતા ગ્રીષ્માના પરિવારે ફાંસીની સજા સાથે સંપૂર્ણ ન્યાયની માગ કરી છે.

ગ્રીષ્માના પરિવારે કડક સજાની કરી માંગ
અહીં આપને જણાવી દઈએ કે, સુરતમાં પાસોદરામાં ગત 12 ફેબ્રુઆરીએ ગ્રીષ્મા વેકરિયાની એકતરફા પ્રેમમાં પાગલ ફેનિલ ગોયાણીએ ગળું કાપી ઘાતકી હત્યા કરી હતી. ત્યાર બાદ હાથની નસ કાપીને ઝેરી દવા પીવાનું નાટક કરી આપઘાતનો પ્રયાસ કર્યો હતો.અને સારવાર મળતા તે બચી ગયો.પરંતુ હવે ન્યાયની કચેરીમાં તે નહીં બચી શકે.ત્યારે આશા રાખીએ કે, આવા ક્રૂર હત્યારાને ફાંસીની સજા કરી.સમાજમાં આવા તત્વોને કડક ઉદાહરણ પુરુ પાડે.