સુરત / ગ્રીષ્મા હત્યા કેસમાં ચુકાદો અનામત, સરકારની દલીલ બાદ બચાવ પક્ષે કહ્યું 'વેબસિરીઝ જોતો એટલે લટકાવી દેશો ?', 26 એપ્રિલે સુનાવણી

• સુરત ગ્રીષ્મા હત્યા કેસ
• ચુકાદો અનામત રાખવામાં આવ્યો
• 26 એપ્રિલે કોર્ટ સંભળાવી શકે છે ચુકાદો

ગ્રીષ્મા હત્યા કેસમાં દોષિત જાહેર થયેલા ફેનિલ ગાયાણીને કોર્ટ હવે 26 એપ્રિલે સજા સંભવાળશે. સેશન્સ કોર્ટ દ્વારા ફેનિલને ગુરૂવારે દોષિત ઠેરવવામાં આવ્યો હતો. જેથી આજે કોર્ટમાં આરોપીને સજા મુદ્દે સુનાવણી હાથ ધરાઈ હતી. બચાવ પક્ષ અને સરકાર પક્ષની દલીલો કોર્ટે સાંભળી હતી. ફેનીલને સુનાવણી દરમિયાન કોર્ટમાં લાવવામાં આવ્યો હતો. અને થોડીવારમાં કોર્ટની કાર્યવાહી શરૂ થશે. આ કેસમાં ફરિયાદી પક્ષ તરફથી દોષિત ફેનિલ માટે ફાંસીની માગ કરાય તેવી શક્યતા છે. જેથી આ કેસની સુનાવણી કોર્ટમાં ડે-ટુ-ડે થઈ હતી. જેમાં 188 દસ્તાવેજી પુરાવા રજૂ કરાયા હતા. આ કેસની તપાસમાં 2500 પાનાની ચાર્જશીટ દાખલ કરાઈ હતી. પોલીસે માત્ર 7 દિવસમાં આ ચાર્જશીટ ફાઈલ કરી દીધી હતી.

વેબસિરિઝ જોઈને ફેનિલે કરી હતી હત્યાઃ સરકાર પક્ષ
સરકાર પક્ષે કોર્ટમાં જણાવ્યું હતું કે, વેબસિરિઝ જોઈને હત્યા કરાઈ છે. તો બચાવ પક્ષે દલીલ કરતાં જણાવ્યું હતું કે વેબસિરીઝ જોતો એટલે લટકાવી દશો? આજે બંને પક્ષોની દલીલો સાંભળ્યા બાદ કોર્ટે આગામી તારીખ 26 એપ્રિલ આપી હતી. જેથી 26 એપ્રિલે સભંવતઃ ચુકાદો આવી શકે છે.

ન્યાય માટે હચમચાવતો વીડિયો 35 વાર કોર્ટે જોયો
સુરત ગ્રીષ્મા વેકરિયા હત્યા કેસમાં ગુરુવારે હત્યારા ફેનિલને કોર્ટે દોષિત જાહેર કર્યો હતો. કારણ કે, આ હત્યાકેસમાં કુદરત યોગ્ય ઈન્સાફ ઈચ્છતી હોય એમ અનાયાસે ઉતરેલો વીડિયો આજે ન્યાયની દીશામાં મહત્વનો પુરાવો બની ગયો. આ કેસમાં કોર્ટે પણ ન્યાય માટે હચમચાવતા આ વીડિયોને 35 વાર જોયો. આ કેસના તમામ ઇલેક્ટ્રોનિક પુરાવા સત્ય પુરવાર થયાં છે. આ સત્ય પુરાવાઓના આધારે જ કોર્ટે ફેનિલને દોષિત જાહેર કર્યો હતો.

ગ્રીષ્માના પરિવારે કડક સજાની કરી માંગ
તમને જણાવી દઈએ કે, સુરતમાં પાસોદરામાં ગત 12 ફેબ્રુઆરીએ ગ્રીષ્મા વેકરિયાની એકતરફી પ્રેમમાં પાગલ ફેનિલ ગોયાણીએ ગળું કાપી ઘાતકી હત્યા કરી હતી. ત્યાર બાદ હાથની નસ કાપીને ઝેરી દવા પીવાનું નાટક કરી આપઘાતનો પ્રયાસ કર્યો હતો. સારવાર મળતા તે બચી ગયો. પરંતુ હવે ન્યાયની કચેરીમાં તે નહીં બચી શકે. ત્યારે આશા રાખીએ કે, આવા ક્રૂર હત્યારાને ફાંસીની સજા કરી. સમાજમાં આવા તત્વોને કડક ઉદાહરણ પુરુ પાડે.

ગુરૂવારે કોર્ટમાં શું થયું ?

• ફેનિલ 302, 307, 342 સહિતની કલમ અંતર્ગત દોષિત જાહેર
• વીડિયો, પ્રત્યક્ષદર્શીના નિવેદન સહિતના પુરાવા સ્વીકારાયા 
• ષડયંત્ર પૂર્વક હત્યા કરાઇ હોવાનું કોર્ટે સ્વીકાર્યું
• કહેવાતા પ્રેમ પ્રકરણના ફોટોથી પ્રેમ પુરવાર થયો નથી
• કોર્ટે બંને પક્ષે પુરતો સમય આપ્યો હતો
• આરોપીને 900 સવાલો સાથે ફર્ધર સ્ટેટમેન્ટ 300 પાનાનું હતું
• પ્રેમ હોય તો હત્યા કરવાનું લાયસન્સ મળતું નથીઃ વકીલ
• આરોપીએ જે શંકા ઉભી કરી તે વ્યાજબી નથીઃ વકીલ
• આરોપી ફેનિલે સજા બાબતે કહ્યું મારે કંઇ કહેવું નથી
• હત્યાનો વીડિયો મહત્વનો પુરાવો સાબિત થયો