ગ્રીષ્મા હત્યા કેસ / ફેનિલની સજાના દિવસો નજીક! સુરતની કોર્ટમાં થઇ સુનાવણી, 18 સાક્ષીઓની લેવાઇ જુબાની

• ગ્રીષ્મા હત્યા કેસ મામલો
• સુરતની સેશન્સ કોર્ટમાં આજે સુનવણી થઈ
• આજે કુલ 9 પંચનામાં અને 18 સાક્ષીઓની જુબાની થઈ

 ગ્રીષ્મા હત્યા કેસ મામલે સુરતની સેશન્સ કોર્ટમાં સુનાવણી થઈ હતી. જેમાં કુલ 9 પંચનામાં અને 18 સાક્ષીઓની જુબાની થઈ હતાં. આરોપી ફેનીલ ગ્રીષ્માની હત્યા કરી રહ્યો હતો ત્યારે મોબાઈલમાં વીડિયો રેકોર્ડ કરનારની જુબાની થઈ હતી. તેમજ ફેનીલે હત્યા બાદ તેના મિત્ર આકાશને ફોન કરી ગ્રીષ્માની હત્યા કર્યાનું જણાવ્યુ હતું તે આકાશની જુબાની થઈ હતી. આ ઉપરાંત પોલીસે મોબાઈલ મામલે ફોરેન્સિક એવીડન્સ મેળવ્યા છે તેની જુબાની થઈ હતી. તેમજ પોલીસને ઘટના મામલે જે DVD મળી છે તે અંગે જુબાની પણ થઈ હતી. અગાઉ આ કેસમાં ગ્રીષ્માનું PM કરનાર તેમજ ઇજાગ્રસ્તોની સારવાર કરનારા ડોક્ટરોની જુબાની થઈ હતી. આ કેસની વધુ સુનાવણી આવતીકાલે શુક્રવારે હાથ ધરાશે.

આ પહેલાની સુનાવણીમાં હત્યારો માનસિક અસ્થિર છે તેવો લૂલો બચાવ કરવામાં આવ્યો હતો..!
ફેબ્રુઆરીના બીજા સપ્તાહમાં સુરતમાં ગ્રીષ્માની જાહેરમાં હત્યાનો જેટલો સીધો હતો એટલો સરળ નહતો.આજે સેશન્સ કોર્ટમાં આરોપી ફેનીલના વકીલનો લૂલો બચાવ સામે આવ્યો હતો.આરોપી ફેનિલનાં વકીલે પોતાનો અસીલ માનસિક અસ્વસ્થ હોવાનો દાવો કર્યો હતો. સુરતની સેશન્સ કોર્ટમાં સુનાવણી શરૂ થઈ હતી જેમાં સુનાવણી અગાઉ આરોપીના વકીલે કોર્ટમાં અરજી કરી હતી ત્યારે સરકારી વકીલે કોર્ટમાં અરજીનો વિરોધ કર્યો હતો. મુખ્ય સેશન્સ જજે ચેમ્બરમાં આરોપીને સવાલો પૂછ્યા હતા. મહત્વનું છે કે, સવાલ જવાબ બાદ આરોપી અસ્વસ્થ ન હોવાનું કોર્ટનું તારણ સામે આવ્યું હતું.આરોપી માનસિક અસ્વસ્થ નથીના તારણ સાથે અરજી નામંજૂર કરવામાં આવી હતી. સાથોસાથ ગ્રીષ્માના મૃતદેહનું પોસ્ટમોર્ટમ કરનાર તબીબની પણ  જુબાની લેવાઈ હતી.

ફેબ્રુઆરીના બીજા સપ્તાહની ઘટના 
સુરતના કામરેજના પાસોદરામાં ફેનિલ પંકજ ગોયાણીએ એક તરફી પ્રેમમાં ગ્રીષ્મા વેકરીયાની ઘાતકી રીતે હત્યા કરી નાખી હતી. જે બાદ સુરત સહિત ગુજરાત ભરમાં આ સનકી હત્યારાને કડક સજા થાય તેવી માંગ ઉઠી છે. ફેનિલ છેલ્લા ઘણા દિવસથી યુવતીનો પીછો કરી રહ્યો હતો. હત્યાના થોડા દિવસ અગાઉ યુવતીના મોટા પિતા દ્વારા યુવકને ઠપકો પણ આપવામાં આવ્યો હતો.અચાનક છરી જેવા ધારદાર હથિયાર સાથે લઈ યુવતીના ઘર બહાર તોફાન મચાવ્યું હતું. જે બાદ યુવતીના મોટા પિતાએ ગુસ્સે થઈ યુવકને હાંકી કાઢતા છરીથી હુમલો કરી દીધો હતો.યુવતી વચ્ચે પડતા યુવતીને બંધક બનાવી લોકોને આસપાસ ન આવવા ધમકી આપી રહ્યો હતો. ઘણા લોકો હતા પણ  ડરના માર્યા દૂર ઊભા રહી તમાશો જોતાં રહ્યા હતા. યુવકે અચાનક યુવતીનો ભાઈ છોડવા જતા યુવતીના ગળા પર છરી હુલાવી દીધી હતી અને ક્રૂરતાપૂર્વક હત્યા કરી નાખી હતી.