સુરતના પાસોદરામાં ગ્રીષ્મા હત્યા કેસનો મામલો આજે આરોપી ફેનિલના રિમાન્ડ પૂર્ણ થતાં આરોપીને ફરી એક વખત કોર્ટમાં રજૂ કરાશે
સુરત ગ્રીષ્મા હત્યા કેસમાં આરોપી ફેનિલના રિમાન્ડ પૂર્ણ
આજે કોર્ટમાં પોલીસ વધુ રિમાન્ડની કરી શકે છે માંગ
ગતરોજ ગાંધીનગર ખાતે કરાવાઇ હતી વોઇસ સ્પેક્ટ્રોગ્રાફી
સુરતના પાસોદરામાં ગ્રીષ્મા હત્યા કેસનો મામલે આજે આરોપી ફેનિલના રિમાન્ડ પૂર્ણ થતાં આરોપીને કોર્ટમાં રજૂ કરાશે. આ અગાઉ આરોપીના ત્રણ દિવસના રિમાન્ડ મંજૂર થયા હતાં. ત્યારે આજે પોલીસ કોર્ટમાં પોલીસ વધુ રિમાન્ડની કરી શકે છે માંગ કરી શકે છે. ઉલ્લેખનીય છે કે, ગઇકાલે ગાંધીનગર ખાતે FSLમાં કરાવાઇ હતી વોઇસ સ્પેક્ટ્રોગ્રાફી કરવામાં આવી હતી. આમ આવતાં અઠવાડીયા સુધીમાં ચાર્જશીટ ફાઇલ થઇ શકે છે
શું હતો સમગ્ર બનાવ ?
13 ફેબ્રુઆરીએ બનેલા આ બનાવ પર નજર કરીએ તો છેલ્લા ઘણા દિવસથી હત્યારો ફેનિલ યુવતી ગ્રીષ્માનો પીછો કરી રહ્યો હતો. થોડા દિવસ અગાઉ યુવતીના મોટા પિતા દ્વારા યુવકને ઠપકો પણ આપવામાં આવ્યો હતો.આજે અચાનક છરી જેવા ધારદાર હથિયાર સાથે લઈ યુવતીના ઘર બહાર તોફાન મચાવ્યું હતું. જે બાદ યુવતીના મોટા પિતાએ ગુસ્સે થઈ યુવકને હાંકી કાઢતા છરીથી હુમલો કરી દીધો હતો.યુવતી વચ્ચે પડતા યુવતીને બંધક બનાવી લોકોને આસપાસ ન આવવા ધમકી આપી રહ્યો હતો. ઘણા લોકો હતા પણ ડરના માર્યા દૂર ઊભા રહી તમાશો જોતાં રહ્યા હતા. યુવકે અચાનક યુવતીનો ભાઈ છોડવા જતા યુવતીના ગળા પર છરી હુલાવી દીધી હતી અને ક્રૂરતાપૂર્વક હત્યા કરી નાખી હતી.