સુરત / ગ્રીષ્માને આજે ભાવભીની વિદાય, મોટી સંખ્યામાં લોકો અતિમયાત્રામાં જોડાયા, ગુજરાત કોંગ્રેસ પણ પરિવારની મુલાકાતે

• સુરતની દિકરી ગ્રીષ્માના આજચે અંતિમ સંસ્કાર 
• અંતિમયાત્રામાં લોકો મોટી સંખ્યામાં થશે એકઠા 
• ગુજરાત કોંગ્રેસ આજે પરિવારની મુલાકાત લેશે 

સુરતનાં ગ્રીષ્માં વેકરિયાની હત્યા મામલે લોકોમાં રોષનો માહોલ ફેલાયેલો છે. સાથેજ તેના પરિવાર પ્રત્યે પણ હવે લોકોની ભાવના જોડાઈ છે. આપને જણાવી દઈએ કે આજે ગ્રીષ્માના આંતિમ સંસ્કાર થાવાના છે. જેમા મોટી સંખ્યામાં લોકો તેની અંતિમ યાત્રામાં જોડાવાના છે. આ અંતિમ યાત્રામાં રાજકીય અને સામાજિક આગેવાનો પણ જોડાવાના છે. એક તરફી પ્રેમમાં સાયકો યુવકે જે રીતે યુવતીની હત્યા કરી હતી તેનો વીડિયો પણ સોશિયલ મીડિયામાં વાયરલ થયો છે. જેના કારણે લોકોમાં હવે રોષનો માહોલ ફેલાયેલો જોવા મળી રહ્યો છે. 

ગુજરાત કોંગ્રેસ પરિવારની મુલાકાત લેશે 

બીજી તરફ આજે ગુજરાત કોંગ્રેસનું પ્રતિનિધિ મંડળ પણ સુરત જશે અને તેઓ ગ્રીષ્મા વેકરિયાના પરિવારની મુલાકાત લેવાના છે. સાથેજ ગુજરાત કોંગ્રેસ દ્વારા આજે કાયદો વ્યવસ્થાની સ્થિતિને લઈને સત્તાધીશોને રજૂઆત પણ કરવામાં આવશે. ગુજરાત કોંગ્રેસ માથી આજે પ્રતાપ દૂધાત, અંબરીશ ડેર, તુષાર ચૌધરી અને ગાયત્રીબા વાઘેલા સુરત જવાના છે. જેઓ ગ્રીષ્મા વેકરિયાના પરિવાર સાથે મુલાકાત લેવાના છે. 

ગળે ચપ્પુ રાખીને હત્યારોએ ધમકી આપી પછી છરી હુલાવી દીધી

છેલ્લા ઘણા દિવસથી યુવક યુવતીનો પીછો કરી રહ્યો હતો. થોડા દિવસ અગાઉ યુવતીના મોટા પિતા દ્વારા યુવકને ઠપકો પણ આપવામાં આવ્યો હતો.આજે અચાનક છરી જેવા ધારદાર હથિયાર સાથે લઈ યુવતીના ઘર બહાર તોફાન મચાવ્યું હતું. જે બાદ યુવતીના મોટા પિતાએ ગુસ્સે થઈ યુવકને હાંકી કાઢતા છરીથી હુમલો કરી દીધો હતો.યુવતી વચ્ચે પડતા યુવતીને બંધક બનાવી લોકોને આસપાસ ન આવવા ધમકી આપી રહ્યો હતો. ઘણા લોકો હતા પણ  ડરના માર્યા દૂર ઊભા રહી તમાશો જોતાં રહ્યા હતા. યુવકે અચાનક યુવતીનો ભાઈ છોડવા જતા યુવતીના ગળા પર છરી હુલાવી દીધી હતી અને ક્રૂરતાપૂર્વક હત્યા કરી નાખી હતી.

પોલીસ પર પણ હુમલો કરવા ચડી આવ્યો

હત્યારા યુવકનો આંતક આ સુધી સિમિત રહ્યો ન હતો. મોડેથી ઘટના સ્થળે પહોંચેલી પોલીસ પર પણ હુમલાની કોશિશ કરી હતી. અને ત્યાર બાદ હાથની નસ કાપી ઝેરી ગોળી ખાઈ લીધી હતી.  ઘાયલ મૃતક યુવતીના ઈજાગ્રસ્ત ભાઈ અને પિતા સહિત આરોપીને સ્વિમેર હોસ્પિટલમાં સારવાર અર્થે દાખલ કરાયા છે. પોલીસે યુવકની ધરપકડ કરી આગળની કાર્યવાહી હાથ ધરી છે.

VTV ગુજરાતીના સળગતા સવાલ

• એક તરફી પ્રેમમાં પાગલ સાયકિક રોમિયોને કેવી સજા મળશે ?
• એક તરફી પ્રેમમાં આટલું પાગલપન કેમ?
• શું એક તરફી પ્રેમ હિંસક બનાવે છે?
• યુવતીની હત્યા થઈ રહી ત્યારે આસપાસના લોકો કેમ મૂર્તી બન્યા?
• આસપાસના લોકોએ યુવકને હત્યા કરતા કેમ ન રોક્યો?
• એક તરફી પ્રેમમાં કેમ પાગલ બને છે યુવાનો?
• શું ટીવીમાં આવતા ક્રાઈમની સિરિયલોથી પ્રેરાય છે યુવાનો?