US Open / દિગ્ગજ રોજર ફેડરર બહાર, 78મી રેન્ક ધરાવતા દિમિત્રોવે હરાવ્યો

હવે દિમિત્રોવનો સેમિફાઇનલમાં રશિયાના વર્લ્ડ નંબર 5 ડેનિલ મેડવેડેવ સામે ટક્કર થશે. ફેડરરે પહેલો સેટ 6-3થી જીતીને મજબૂત શરૂઆત કરી. જોકે, ત્યાર બાદ દિમિત્રોવે 20 વારના ગ્રાન્ડસ્લેમ વિજેતાને ટક્કર આપી હતી. આ દરમિયાન દિમિત્રોવે ફેડરરની ભૂલોનો પૂરેપુરો ફાયદો ઉઠાવ્યો. 

અંતે 28 વર્ષના દિમિત્રોવે 3 કલાક 12 મિનિટ સુધી ચાલેલી મુકાબલામાં અંતિમ બે સેટ જીતીને 38 વર્ષના ફેડરરને ટૂર્નામેન્ટથી બહાર કરી દીધો. આ સાથે જ દિમિત્રોવે પહેલીવાર ફેડરર પર જીત મેળવી. આ બંને વચ્ચે પહેલા કુલ સાત મુકાબલા થયા હતા. પરંતુ તમામ મેચ ફેડરરના નામે રહ્યા. 

વર્લ્ડ નંબર 78 દિમિત્રોવ ગત 11 વર્ષમાં કોઇ ગ્રાન્ડ સ્લેમના સેમીફાઇનલમાં પહોંચનાર સૌથી ઓછી રેન્ક વાળા ખેલાડી બની ગયા છે. નોંધનીય છે કે વર્લ્ડ નંબર 1 નોવાક જોકોવિચની વર્તમાન યૂએસ ઓપનના પહેલા જ બહાર થઇ ગયો. જ્યારે વર્લ્ડ નંબર 2 રાફેલ નડાલ ક્વાર્ટર ફાઇનલમાં ઉતરશે. 

સેમીફાઇનલમાં દિમિત્રોવનો સામનો ડેનિલ મેડવેડેવ સામે થશે. જબરદસ્ત ફોર્મમાં ચાલી રહેલા મેડવેડેવે ક્વાર્ટર ફાઇનલમાં સ્વિટ્ઝરલેન્ડના સ્ટેન વાવરિંકાને 7-6, (8-6), 6-3, 3-6, 6-1થી હરાવ્યો હતો.