ટૂલકિટ કેસ / તો આ કારણથી ગ્રેટા થનબર્ગે ડિલીટ કરી દીધી હતી ટૂલકિટ! દિલ્હી પોલીસે કર્યો પર્દાફાશ

• ગ્રેટા થનબર્ગે ભૂલથી ટૂલકિટ લીક કર્યો તો દિશા બહું ડરી ગઈ
• દિશા રવિએ ગ્રેટા થનબર્ગની સાથે 'ટૂલકિટ' શેર કરી હતી
• ભારતની છબી બગાડવા પ્લાન બનાવ્યો હતો

ગ્રેટા થનબર્ગે ભૂલથી ટૂલકિટ લીક કર્યો તો દિશા બહું ડરી ગઈ

દિલ્હી પોલીસે દાવો કર્યો છે કે જ્યારે ગ્રેટા થનબર્ગે ભૂલથી ટૂલકિટ લીક કર્યો તો દિશા બહું ડરી ગઈ હતી અને તેણે ગ્રેટાને પહેલા ટૂલકિટ ડિલીટ કરવા કહ્યું હતુ. આ ઘટના બાદ તાત્કાલીક દિશા વકીલને મળવા ઈચ્છતી હતી. હકિકતમાં તેને એ વાતનો ડર હતો કે પોલીસ યુએપીએ કાયદા હેઠળ કાર્યવાહી કરી શકે છે. 

દિશા રવિને કોર્ટે પાંચ દિવસના રિમાન્ડ

ઉલ્લેખનીય છે કે ખેડૂતોના પ્રદર્શનથી જોડાયેલ 'ટૂલકિટ' સોશિયલ મીડિયા પર શેર કરવામાં સમાવેશના આરોપમાં ક્લાઇમેટ એક્ટિવિસ્ટ દિશા રવિને બેંગલુરૂથી ધરપકડ કરવામાં આવી છે. 21 વર્ષીય દિશા રવિને કોર્ટે પાંચ દિવસના રિમાન્ડ આપ્યા છે. તેના પર આરોપ છે કે ખેડૂતોની સાથે જોડાયેલા ટૂલકિટને તેણે એડિટ કર્યા છે. તેણે કેટલીક બાબતો જોડી અને તેને આગળ મોક્યા છે.

 દિશા રવિએ ગ્રેટા થનબર્ગની સાથે 'ટૂલકિટ' શેર કરી હતી

પોલીસે કોર્ટે જણાવ્યું કે, બે વધુ આરોપીની આ મામલે ધરપકડ કરવામાં આવશે. દિશા પર ક્લાઇમેટ એક્ટિવિસ્ટ ગ્રેટા થનબર્ગ તરફથી શેર કરવામાં આવેલ ટૂલકિટને એડિટ કરવા અને તેને ફોરવર્ડ કરવાનો આરોપ છે. દિલ્હી પોલીસે કહ્યું કે, દિશા રવિએ ગ્રેટા થનબર્ગની સાથે 'ટૂલકિટ' શેર કરી હતી.

પોલીસે એ પણ દાવો કર્યો છે કે દિશાએ ગ્રેટાને પહેલા ટૂલકિટ ડિલીટ કરવા કહ્યું હતુ. કેમ કે તે ડોક્યૂમેન્ટ્સમાં તેનાં નામનો ઉલ્લેખ હતો. પોલીસનો દાવો છે કે દિશાના કહેવા પર ગ્રેટાએ કથિત ટ્વીટ હટાવી દીધી હતી. એ બાદ તેને એડિટ કર્યા બાદ શેર કરી.

ચેટ દરમિયાન દિશા અને ગ્રેટા સાથેની વાતચીત

પોલીસ સૂત્રોએ જણાવ્યું તે દિશાએ ટેલિગ્રામ પર થનબર્ગને લખ્યું છે કે ઠીક છે શું આવું થઈ શકે છે કે તમને ટૂલકિટને પૂરી રીતે ટ્વીટ ન કરો. શું આપણે થોડી વાર માટે રોકાઈ શકીએ છીએ. હું વકીલ સાથે વાત કરવાની છું. સોરી પણ તેના પર આપણા નામ છે અને આપણી વિરુદ્ધ યુએપીએ અંતર્ગત કાર્યવાહી થઈ શકે છે.

વધુ 2ની શોધ

દિશા રવિની સાથે મુંબઈની એક વકીલ અને બીડનું એક એન્જિનિયર પણ સામેલ છે. વકીલ નિકિતા જૈકબ અને એન્જિનિયર શાંતનુ મુલુકની વિરુદ્ધ બિન જામીનપાત્ર વોરન્ટ ઈશ્યુ કરવામાં આવ્યા છે. હાલમાં બન્ને ફરાર છે.

ભારતની છબી ખરડાવવા પ્લાન બનાવ્યો હતો

હિંસાના 15 દિવસ પહેલા એટલે કે 11 જાન્યુઆરીએ આ બન્નેએ ખાલિસ્તાન સમર્થક ગ્રુપ પોએટિક જસ્ટિસ ફાઉન્ડેશન(પીએફજે) દ્વારા ઓનલાઈન ઝૂમ એપથી મીટિંગમાં ભાગ લીધો. દિશાની સાથે નિકિતા અને શાંતનુએ ખેડૂત આંદોલન સંબંધિત ટૂલકિટ બનાવ્યા હતા અને ભારતની છબી ખરડાવવા પ્લાન બનાવ્યો હતો.

ટૂલકિટનો શું છે મામલો?

• 4 ફેબ્રુઆરીએ સોશિયલ મીડિયામાં પોલીસને એક ટૂલકિટ મળી
• ટૂલકિટને ટ્વીટર પરે શેયર કરવામાં આવી હતી
• ટૂલકિટના એક ભાગમાં એક્શન પોઈન્ટ લખાયેલા હતા
• 26 જાન્યુઆરી અને હેશટેગથી ડિજીટલ સ્ટ્રાઈકના પોઈન્ટ લખાયા હતા
• ડોક્યૂમેન્ટના બીજા ભાગમાં ભારતીય દૂતાવાસને ટાર્ગેટ કરવાનો કરાયો હતો ઉલ્લેખ
• દિલ્લીમાં હિંસા થતા સાયબર પોલીસે ફરિયાદ નોંધીને તપાસ શરૂ કરી
• ગૂગલ ડોક્યુમેન્ટના એડિટર નિકીતાના વિરૂદ્ધમાં સર્ચ વોરેન્ટ ઈશ્યૂ કરાયું હતુ
• મુંબઈમાં નિકિતાના ઘરે તપાસ કરતા 2 લેપટોપ અને 1 આઈફોન મળ્યું હતું
• ખાલિસ્તાની સંગઠનના MOએ પોતાની કેનેડામાં રહેતી સહયોગીથી નિકિતાનો સંપર્ક કર્યો હતો
• 26 જાન્યુઆરીના રોજ હિંસા કરવાનો આ લોકોને પ્લાન હતો
• 11 જાન્યુઆરીએ આ હિંસા કરવા માટે મિટિંગ મળી હતી
• મિટિંગમાં નિકીતા, શાન્તનું, ઓમઓ ધાનિવાલ, સહિતના લોકો હાજર રહ્યા 
• ડોક્યૂમેન્ટને શાન્તનુના ઈમેઈલ એડ્રેસથી બનાવાયું છે
• 6 ડિસેમ્બરથી તમામ લોકો વોટ્સએપના એક ગ્રુપમાં પણ જોડાયેલા હતા
• દિશાની મિત્રે ટેલિગ્રામમાં આ ટૂલકિટને મોકલી હતી
• 13 જાન્યુઆરીએ સ્થાનિક પોલીસે દિશાની અટકાયત કરી હતી
• નિકીતા અને શાન્તનું માટે વોરન્ટ ઈશ્યૂ કરાયું