પર્યાવરણ સંરક્ષણ માટે કામ કરનારી ગ્રેટા થનબર્ગે ભારતમાં ચાલી રહેલા ખેડૂત આંદોલનના સમર્થનમાં ટ્વિટ કરીને ડિલીટ કર્યુ હતું. જેના પર કંગનાએ પ્રતિક્રિયા આપી છે.
ગ્રેટા થનબર્ગે કરી ટ્વિટ ડિલીટ
ભારત વિરુદ્ધ ષડયંત્રની ટ્વિટ
કંગનાએ ઉડાવી ગ્રેટાની મજાક
બુધવારે ભારતભરમાં ટ્વિટર ટ્રેન્ડ રહેલી ગ્રેટા થનબર્ગ હવે ટ્રોલ થઇ રહી છે. ગ્રેટાએ એક ગૂગલ ડૉક્યુમેન્ટ શૅર કર્યુ હતુ જેમાં ખેડૂત આંદોલનના સમર્થનમાં સોશ્યલ મિડીયા કેમ્પેનનું શેડ્યુઅલ શૅર કરવામાં આવ્યું હતુ. આટલુ જ નહી પરંતુ તે ફાઇલ શૅર કરીને ગ્રેટાએ ટૂલકિટ શબ્દનો પણ પ્રયોગ કર્યો હતો જેના કારણે તે નિશાના પર આવી ગઇ હતી.
ગ્રેટાએ એક ડૉક્યુમેન્ટ શૅર કર્યુ હતું જેમાં ભારત સરકાર પર આંતરરાષ્ટ્રીય દબાવ બનાવવાની કાર્યયોજના હતી. ગ્રેટાને પોતાની ભૂલ સમજાય અને તે ટ્વીટ ડિલીટ કરે તે પહેલા કેટલીક જગ્યાએ તેના સ્ક્રિનશૉટ વાયરલ થવા લાગ્યા હતા. ગ્રેટાએ ટ્વિટમાં ભારતની સત્તાધારી પાર્ટી બીજેપીને ફાસીવાદી પાર્ટી પણ કહી દીધુ હતુ. તેની ભાષાને લઇને સવાલ ઉઠાવવામાં આવ્યા હતા.
ફાઇલમાં 5 મુખ્ય વાતો હતી
ઓનગ્રાઉન્ડ પ્રોટેસ્ટમાં હિસ્સો લેવા પહોંચો, ખેડૂત આંદોલન સાથે મળીને પ્રદર્શન કરનારા લોકોની તસવીર ઇમેઇલ કરો. આ તસવીર 25 જાન્યુઆરી સુધી મોકલો. આ સિવાય ડિજીટલ સ્ટ્રાઇક #AskindiaWhy સાથે ફોટો/વીડિયો મેસેજ 26 જાન્યુઆરી કે તે પહેલા ટ્વિટર પર પોસ્ટ કરી દેવામાં આવે. 4-5 જાન્યુઆરીએ ટ્વિટર પર ખેડૂત આંદોલનને ટ્રેન્ડ કરવાની યોજના. આ દરેક વસ્તુથી ભારતમાં રહેલી સત્તાધારી પાર્ટી પર દબાવ આવે.
ગ્રેટા થનબર્ગ તરફથી શૅર કરવામાં આવેલી આ ફાઇલને લઇને સવાલ ઉઠાવવામાં આવ્યા છે કે કદાચ તે પણ કોઇ યોજનાનો હિસ્સો છે. બપોરે વિદેશ મંત્રાલય તરફથી નિવેદન પણ આપવામાં આવ્યું છે કે વિદેશી સેલેબ્સના હેશટેગ કેમ્પેનમાં ન ફસાવું.
This dumbo kid made the biggest blunder for left pimps... attached the confidential document of international plan to systematically unstable India ... sab Pappu ek he team mein hain ha ha ha ... bunch of jokers https://t.co/6svqedfv3R
કંગનાએ કહ્યું બધા પપ્પુ એક ટીમમાં
ગ્રેટાની આ ટ્વિટ ડિલીટ કર્યા બાદ કંગનાએ હુમલો કર્યો છે. તેણે લખ્યું કે, આ મૂરખ છોકરીએ લેફ્ટવાળાઓ માટે મોટી ભૂલ કરી દીધી છે. ભારતને અસ્થિર કરીને તેને ઇન્ટરનેશનલ પ્લાનને ટ્વટ કરી દીધી છે. બધા પપ્પુ એક ટીમમાં છે.