મોટા સમાચાર / VIDEO : બાઈક ઉભું રાખ્યું, પછી ફેંક્યો ગ્રેનેડ અને થયો ધમાકો, મચી ગયો ખળભળાટ

આજે સવારે પંજાબના અમૃતસરમાં એક હિન્દુ મંદિરની બહાર વિસ્ફોટ થયો. ખંડવાલા વિસ્તારમાં ઠાકુર શેરશાહ સુરી રોડ પર ઠાકુરદ્વારા મંદિર પાસે બે બાઇક સવાર યુવાનોએ ગ્રેનેડ ફેંક્યો અને વિસ્ફોટ કર્યો. હુમલા દરમિયાન મંદિરના પૂજારી અંદર હતા. આ હુમલાના સીસીટીવી ફૂટેજ સામે આવ્યા છે, જેમાં બાઇક પર સવાર બે યુવાનો જોવા મળી રહ્યા છે.

તેમના હાથમાં એક ધ્વજ પણ જોવા મળી રહ્યો છે.. તેઓ મંદિરની બહાર બાઇક રોકે છે અને કંઈક ફેંકીને ભાગી જાય છે. તે જતાની સાથે જ એક જોરદાર ધડાકો થાય છે. આ ઘટના રાત્રે ૧૨:૩૦ વાગ્યાની આસપાસ બની હતી. અમૃતસર પોલીસે હુમલાની તપાસ શરૂ કરી દીધી છે. હુમલાખોરો કોણ હતા તે શોધવાનો પ્રયાસ કરવામાં આવી રહ્યો છે. આ કેવા પ્રકારનો હુમલો હતો અને શા માટે કરવામાં આવ્યો? તેને લઇને પણ હાલ તપાસ ચાલુ છે.

આ પણ વાંચોઃ 'વારંવાર એક જ વાત કહેવાથી કાશ્મીર તમારું નહીં બની જાય', ભારતે UNમાં પાકિસ્તાનને રોકડું પરખાવ્યું

વિસ્ફોટના અવાજથી કાચ અને બારીઓ તૂટી ગઈ

વિસ્ફોટ અંગે માહિતી આપતાં વકીલ કિરણપ્રીત સિંહે જણાવ્યું કે રાત્રે લગભગ 12:30 વાગ્યે બે લોકો બાઇક પર આવ્યા હતા. ઠાકુર દ્વાર મંદિરની બહાર ઉભા રહ્યા. તેઓએ રેકી કરી અને મંદિર પર ગ્રેનેડ ફેંકીને ભાગી ગયા. વિસ્ફોટ એટલો શક્તિશાળી હતો કે તેની અસર આસપાસની ઇમારતોને પણ થઈ. તેમની બારીઓ અને બધું જ તૂટેલું હતું. પોલીસે ઘટનાસ્થળે પહોંચીને પુરાવા એકત્રિત કર્યા, જે મુજબ, તે ગ્રેનેડ હુમલો હતો. વિસ્ફોટનો અવાજ સાંભળીને નજીકમાં રહેતા લોકો પોતાના ઘરની બહાર નીકળી આવ્યા. મંદિરના પૂજારીઓ પણ બહાર આવ્યા. વિસ્ફોટથી કોઈ નુકસાન થયું ન હતું, પરંતુ પોલીસ વિભાગમાં ખળભળાટ મચી ગયો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ