ઉત્તરી કાશ્મીરના બાંદીપોરા જિલ્લાના નિશાત પાર્કમાં શુક્રવારે આતંકવાદીઓએ સુરક્ષાદળો પર ગ્રેનેડ ફેંકીને અટેક કર્યો હતો. આ હુમલામાં પાંચ પોલીસકર્મીઓ ઘાયલ થયા છે.
કાશ્મીરના બાંદીપોરામાં આતંકીઓએ કર્યો હુમલો
હુમલામાં પાંચ પોલીસકર્મી થયા જખ્મી
સારવાર માટે નજીકની હોસ્પિટલમાં ભરતી કરાવ્યા
ઉત્તરી કાશ્મીરના બાંદીપોરા જિલ્લાના નિશાત પાર્કમાં શુક્રવારે આતંકવાદીઓએ સુરક્ષાદળો પર ગ્રેનેડ ફેંકીને અટેક કર્યો હતો. આ હુમલામાં પાંચ પોલીસકર્મીઓ ઘાયલ થયા છે. જેમને સારવારા માટે નજીકની હોસ્પિટલમાં ભરતી કરવામાં આવ્યા છે. હાલમાં આ ઘાયલ જવાનોની હાલત સ્થિર હોવાનું કહેવાય છે. આ તમામની વચ્ચે સુરક્ષાદળોએ હુમલાખોરોને પકડવા માટે આખા વિસ્તારની ઘેરાબંદી કરી દીધી છે અને સર્ચ ઓપરેશન શરૂ કરી દેવામાં આવ્યું છે.
J&K | Terrorists attack a joint party of security forces in Bandipora, 5 persons injured; Details awaited: Jammu & Kashmir Police
એક વરિષ્ઠ પોલીસ અધિકારીએ જણાવ્યું હતું કે, નિશાત પાર્કની પાસે આતંકવાદીઓએ નાકા પાર્ટી પર ગ્રેનેડ ફેંક્યો. આ ઘટનામાં પાંચ પોલીસ કર્મી ઘાયલ થઈ ગયા છે. આ ઘાયલોમાં 2 બીએસએફ અને 3 પોલીસકર્મી ઘાયલ થયા છે.
ડિસેમ્બરમાં બે પોલીસકર્મીઓની થઈ હતી હત્યા
આ અગાઉ ઉત્તર કાશ્મીરના બાંદીપોરામાં ડિસેમ્બરમાં પણ આતંકીઓની કાયરતાપૂર્વકની હરકત સામે આવી હતી. આંતકીઓએ કરેલા આ હુમલામાં બે પોલીસકર્મીઓના મોત થઈ ગયા હતા. એક અધિકારીએ જણાવ્યું હતું કે, 10 ડિસેમ્બરની સાંજે આતંકવાદીઓએ ગુલશન ચૌક પર પોલીસના એક દળ પર ગોળીઓ ચલાવી હતી. આ ગોળીબારમાં બે પોલીસકર્મીઓ ઘાયલ થઈ ગયા હતા અને તેમને હોસ્પિટલમાં ભરતી કરવામાં આવ્યા હતા. જ્યાં તેમના મોત થઈ ગયા હતા.