લોન્ચ / 34999માં ખરીદો આ બાઇક, ચલાવવા માટે લાયસન્સની નથી જરૂર

• Greenvolt કંપનીએ લોન્ચ કરી ઈલેક્ટ્રિક બાઈક
• 999 રૂપિયામાં ઓનલાઈન પ્રી-બુકિંગ શરૂ થઈ ગઈ છે
• એકવાર ફુલ ચાર્જ કરી લેવાથી 50 કિમી ચાલશે

જો તમારે આ ઈલેક્ટ્રિક બાઈક ખરીદવા માગો છો, તો તેના માટે પ્રી-બુકિંગ શરૂ થઈ ગયું છે. 999 રૂપિયામાં ઓનલાઈન બુકિંગ શરૂ થઈ ગઈ છે. કંપની મુંબઈ, બેંગલુરુ અને અન્ય શહેરોમાં આ ઈલેક્ટ્રિક બાઈકની પ્રી-બુકિંગ કરનાર ગ્રાહકો માટે લોન્ચિંગ સમયે પ્રાઈવેટ ટેસ્ટ રાઈડ અરેન્જ કરશે. 

 જાન્યુઆરીમાં લોન્ચ કરવામાં આવશે

કંપની તરફથી મળતી માહિતી મુજબ, આ ઈલેક્ટ્રિક બાઈકને પૂણે, દિલ્હી, હૈદરાબાદ અને ચેન્નઇમાં જાન્યુઆરીમાં લોન્ચ કરવામાં આવશે. કંપનીનું કહેવું છે કે, આ ઈલેક્ટ્રિક બાઈક સસ્તી હોવાની સાથે પ્રદૂષણ મુક્ત પણ છે, જેની ભારતમાં સૌથી વધુ જરૂર છે.

પ્રી-બુકિંગ કરાવો 

જો તમે ગ્રીનવોલ્ટ મેન્ટિસની પ્રી-બુકિંગ કરાવો છો તો તમારે 34,999 રૂપિયા ચૂકવવા પડશે. પરંતુ જો તમે તેને ડીલર પાસેથી ખરીદો છો, તો તેની કિંમત વધીને રૂપિયા 37,999 થશે. હાલમાં કંપની તમામ શહેરોમાં ડીલરશિપને એક્ટિવ કરવામાં લાગેલી છે. 

કંપની મેટ્રો શહેરોમાં સર્વિસ સેન્ટર ખોલશે

ગ્રીનવોલ્ટ ફેબ્રુઆરી સુધી ડીલર નેટવર્ક દ્વારા પસંદગીના મેટ્રો શહેરોમાં સ્ટૂડિયો આઉટસેટ અને સર્વિસ સેન્ટર ખોલશે. ખાસ વાત એ છે કે, મેન્ટિસ ઈલેક્ટ્રિક બાઈક ચલાવવા માટે લાઈસન્સ, પીયૂસી અથવા રજિસ્ટ્રેશનની પણ જરૂર નહીં પડે. 

આવા છે ફીચર્સ

ફીચરની વાત કરીએ તો તેમાં 250wattની મોટર અને કંટ્રોલર આપવામાં આવ્યું છે. ગ્રીનવોલ્ટએ મેન્ટિસને ઈન હાઉસ ડિઝાઈન અને ડેવલપ કર્યું છે. તેમાં આપેલી લિથિયમ બેટરી રિમૂવેબલ છે એટલે કે તેને કાઢીને પણ ચાર્જ કરી શકાય છે. મેન્ટિસ ઈલેક્ટ્રિક બાઈકને એકવાર ફુલ ચાર્જ કરી લેવાથી તે 50 કિલોમીટર સુધી ચાલે છે. કંપની મુજબ બાઈક ફુલ ચાર્જ થવામાં 2.5 કલાકનો સમય લાગે છે. મેન્ટિસની પોર્ટેબલ બેટરીનું વજન 2.5 કિલોગ્રામ છે. જેને કોઈપણ ઘરેલૂ પાવર સર્કિટ સાથે પણ ચાર્જ કરી શકાય છે.