IPLIN
 

ગ્લોબલ વોર્મીંગ / એક જ દિવસમાં ગ્રીનલેન્ડમાં અધધ આટલો બધો બરફ પીગળી ગયો

Team VTV 05:52 PM, 24 Jun 19
Follow us
Greenland Will Become Iceless If Current Climate Trends Continue

ગ્લોબલ વોર્મિંગની સમસ્યા દિવસેને દિવસે ગંભીર બની રહી છે.હિમાલય સહિચ ઉત્તર અને દક્ષિણ ધ્રુવના ગ્લેશિયર ઝડપથી પીગળી રહ્યા છે.

પરંતુ ગત 13 જુને ગરમીના કારણે એક જ દિવસમાં ઉત્તર ધ્રુવની અત્યંત નજીક આવેલા ગ્રીનલેન્ડમાં જે પ્રમાણમાં ગ્લેશિયર પીગળ્યા તેનાથી વિજ્ઞાનીઓ પણ અચંબિત છે.

ઉલ્લેખનીય છે કે, આમ તો જુન ગ્લેશિયરના પીગળવાની સિઝન છે.13 જુને ગ્રીનલેન્ડના ગ્લેશિયરનો ચાર ટ્રિલિયન પાઉન્ડ બરફ પાણી થઇ ગયો હતો.એક પાઉન્ડ એટલે 453 ગ્રામ વજન થયું.જીયોલોજિકલ સર્વે ઓફ ડેન્માર્ક એન્ડ ગ્રીનલેન્ડના વિજ્ઞાની વિલિયમ કોલગન કહે છે કે ગરમીની સિઝનની શરુઆતમાં આટલી બરફનો આટલો મોટો જથ્થો એક જ દિવસમાં પીગળે તે આસાધારણ અને ચિંતાજનક છે.

આપને જણાવી દઇએ કે, 2012માં આ પહેલા ગરમીના કારણે વિશાળ ગ્લેશિયરો પીગળી ગયા હતા. આમ તો રુની પુણી જેવા સફેદ બરફના ગ્લેશિયરો સુર્યના મોચાભાગના કિરણો પરાલર્તિત કરી દે છે.પરંતુ જેમ જેમ બરફ પીગળે તેમ તેમ તેનો રંગ બદલાતા પીગળવાની ઝડપ વધી જાય છે.ગ્રીનલેન્ડના ગ્લેશિયર જે રીતે પીગળે છે તેનાથી સમુદ્રની જળસપાટી વધતી જાય છે.

છેલ્લા બે દાયકામાં સમુદ્રની વધેલી સપાટીમાં ગ્રીનલેન્ડના પીગળતા ગ્લેશિયરોનો મોટો ફાળો છે.ઉલ્લેખનીય છે કે હમણા જ ગુજરાત વાયુ ચક્રવાતના વિનાશમાંથી બચ્યું છે.વિજ્ઞાનીઓ કહે છે કે હિમાલય સહિતના લાખો-કરોડો વર્ષ જુના ગ્લેશિયર જે રીતે નાના થઇ રહ્યા છે તેનાથી પૃથ્વીના હવામાનમાં આગામી વર્ષોમાં ઘણા પરિવર્તન આવશે.આપણે વધુને વધુ વાવાઝોડા, દુષ્કાળ અને જળપ્રલય માટે તૈયાર રહેવું પડશે.

global temperature rises climate change Greenland Nasa ગુજરાતી ન્યૂઝ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ